SI PAULO, na
tinawag na maging isang apostol ni Jesus Kristo sa pamamagitan ng kalooban ng
Diyos, at si Sostenes na kapatid natin,
2 Sa simbahan ng
Diyos na nasa Korinto, sa kanila na pinapabanal kay Kristo Jesus, na tinawag na
maging mga banal, kasama ng lahat na sa bawa’t dako ay tumatawag sa pangalan ni
Jesus Kristo na Panginoon natin, kapuwa sa kanila at sa atin:
3 Ang biyaya nawa ay sumainyo, at ang kapayapaan,
mula sa Diyos na Ama natin, at mula sa Panginoong Jesus Kristo.
4 Pinapasalamatan ko ang aking Diyos
palagi patungkol sa inyong kapakanan, dahil sa biyaya ng Diyos na ito ay ibinibigay
sa inyo ni Jesus Kristo;
5 Na sa bawa’t bagay ay pinapayaman
niya kayo, sa buong pagbigkas, at sa buong kaalaman;
6 Maging gaya ng ang patotoo ni Kristo
ay pinagtibay sa inyo:
7 Anupa’t hindi kayo nahuhuli sa
anumang kaloob; na naghihintay sa pagdating ng ating Panginoong Jesus
Kristo:
8 Na siya ring magtitibay sa inyo
hanggang sa katapusan, upang kayo ay maging walang-kapintasan sa araw ng ating
Panginoong Jesus Kristo.
9 Ang Diyos ay matapat, na siyang
tumawag sa inyo patungo sa pakikisama ng Anak niyang si Jesus Kristo na
Panginoon natin.
10 Ngayon ay namamanhik ako sa inyo,
mga kapatid, sa pamamagitan ng pangalan ng ating Panginoong Jesus Kristo, upang kayong lahat
ay magsalita ng iisang bagay, at huwag magkaroon ng mga pagkakahati-hati sa
gitna ninyo; kundi upang sama-sama kayong mapagdugtong nang sakdal sa gayon
ring pag-iisip at sa gayon ring paghukom.
11 Pagkat isinaysay ito sa akin tungkol
sa inyo, mga kapatid, nilang mga mula sa bahay ni Kloe, na may mga pagtatalo sa
gitna ninyo.
12 Ngayon ay sinasabi ko ito, na ang
bawa’t isa sa inyo ay nagsasabing, ako ay kay Paulo; at ako ay kay Apolos; at
ako ay kay Sefas; at ako ay kay Kristo.
13 Si Kristo ba ay
nahahati? Si Paulo ba ay ipinako sa kurus dahil sa inyo? o bininyagan ba kayo
sa pangalan ni Paulo?
14 Nagpapasalamat
ako sa Diyos na wala akong bininyagan sa inyo, maliban kay Krispus at Gayus;
15 Baka magsabi ang sinuman na
nagbinyag ako sa sarili kong pangalan.
16 At bininyagan ko rin naman ang
sambahayan ni Estefanas: maliban sa kanila, ay hindi ko na nalalaman kung
nagbinyag pa ako ng sinumang iba.
17 Pagkat hindi ako isinugo ni Kristo upang
magbinyag, kundi upang mangaral ng mabuting-balita: hindi sa pamamagitan ng karunungan
ng mga salita, baka ang kurus ni Kristo ay mapawalang bisa.
18 Pagkat ang pangangaral ng kurus sa
kanilang mga nawawasak ay kahangalan; ngunit sa ating mga ligtas ito ang
kapangyarihan ng Diyos.
19 Pagkat nasusulat ito, Pupuksain ko
ang karunungan ng marurunong, at dadalhin sa wala ang pagkaunawa ng matatalino.
20 Nasaan ba ang marunong? nasaan ba ang
eskriba? nasaan ba ang mapagmatuwid ng sanlibutang
ito? hindi ba ginawang hangal ng Diyos ang karunungan ng sanlibutang ito?
21 Pagkat pagkatapos niyon sa
karunungan ng Diyos ang sanlibutan sa pamamagitan ng karunungan ay hindi
nakaalam sa Diyos, nakalugod ito sa Diyos sa pamamagitan ng kahangalan ng pangangaral
na iligtas silang nananalig.
22 Pagkat ang mga Judeo ay humihingi ng
isang tanda, at ang mga Griyego ay naghahanap ng karunungan:
23 Ngunit ipinapangaral namin si
Kristong ipinako sa kurus, na sa mga Judeo ay isang katitisuran, at sa mga Griyego
ay kahangalan;
24 Ngunit sa kanilang mga tinatawag, kapuwa
mga Judeo at mga Griyego, si Kristo ang kapangyarihan ng Diyos, at ang
karunungan ng Diyos.
25 Dahil ang kahangalan ng Diyos ay mas
marunong kaysa sa mga tao; at ang kahinaan ng Diyos ay mas malakas kaysa sa mga
tao.
26 Pagkat nakikita ninyo ang
pagkakatawag ninyo, mga kapatid, kung paanong hindi ang maraming marurunong na
tao alinsunod sa laman, na hindi ang maraming makapangyarihan, na hindi ang maraming
mahal-na-tao, ang tinatawag:
27 Kundi pinili na ng Diyos ang mga
hangal na bagay ng sanlibutan upang hiyain ang marurunong; at pinili na ng
Diyos ang mahihinang bagay ng sanlibutan upang hiyain ang mga bagay na makapangyarihan;
28 At ang mabababang bagay ng sanlibutan,
at ang mga bagay na hinahamak, ay pinili na ng Diyos, oo, at ang mga bagay na hindi
umiiral, upang dalhin patungo sa wala ang mga bagay na umiiral:
29 Upang walang lamang magmapuri sa harapan niya.
30 Ngunit mula sa kanya kayo ay nakay Kristo Jesus,
na siya mula sa Diyos ay ginawa ukol sa atin na karunungan, at katuwiran, at
pagpapakabanal, at katubusan:
31 Na, kagaya ng nasusulat, Siya na
nagmamapuri, ay hayaan siyang magmapuri sa Panginoon.
KABANATA 2
AT ako, mga kapatid, nang pumariyan ako sa inyo, ay hindi ako pumariyan na may
kagalingan ng pananalita o ng karunungan, na isinasaysay sa inyo ang patotoo ng
Diyos.
2 Pagkat napagpasyahan kong huwag
malaman ang anumang bagay sa gitna ninyo, maliban kay Jesus Kristo, at siya na
ipinako sa kurus.
3 At nakasama ninyo ako sa kahinaan, at
sa pagkatakot, at sa lubhang panginginig.
4 At ang pananalita ko at ang
pangangaral ko ay hindi may nakakaakit na mga salita ng karunungan ng tao,
kundi sa pagtatanghal ng Espiritu at ng kapangyarihan:
5 Upang ang pananampalataya ninyo ay
hindi tumayo sa karunungan ng mga tao, kundi sa kapangyarihan ng Diyos.
6 Subali’t sinasalita namin ang
karunungan sa gitna nilang mga sakdal: gayunman ay hindi ang karunungan ng sanlibutang
ito, ni ng mga pangulo ng sanlibutang ito, na nauuwi sa wala:
7 Kundi sinasalita namin ang karunungan
ng Diyos sa isang hiwaga, samakatuwid ay ang nakatagong karunungan, na itinalaga
ng Diyos bago pa ang sanlibutan sa ikaluluwalhati natin:
8 Na wala sa mga pangulo ng sanlibutang
ito ang nakaalam: pagkat kung nalaman nila ito, ay hindi nila ipapako sa kurus
ang Panginoon ng kaluwalhatian.
9 Ngunit gaya ng nasusulat, Hindi nakita
ng mata, ni narinig ng tainga, ni pumasok sa puso ng tao, ang mga bagay na
inihanda na ng Diyos na ukol sa kanilang nagmamahal sa kanya.
10 Ngunit ibinunyag na sila ng Diyos sa
atin sa pamamagitan ng kanyang Espiritu: pagkat ang Espiritu ang sumasaliksik
sa lahat ng bagay, oo, ang malalalim na bagay ng Diyos.
11 Pagkat anong tao ang nakakaalam ng
mga bagay ng isang tao, maliban sa espiritu ng tao na nasa kanya? maging gayon
din sa mga bagay ng Diyos ay walang taong nakakaalam, kundi ang Espiritu ng
Diyos.
12 Ngayon ay tinanggap na natin, hindi
ang espiritu na mula sa sanlibutan, kundi ang espiritu na mula sa Diyos; upang
malaman natin ang mga bagay na walang-bayad na ibinibigay sa atin ng Diyos.
13 Na ang mga bagay na ito rin naman ang
sinasalita namin, hindi sa mga salitang itinuturo ng karunungan ng tao, kundi
ang itinuturo ng Banal na Diwa; na ipinaghahambing ang mga bagay na espirituwal
sa espirituwal.
14 Ngunit ang likas na tao ay hindi
tumatanggap ng mga bagay mula sa Espiritu ng Diyos: pagkat ang mga ito ay
kahangalan sa kanya: ni maaari niyang malaman ang mga ito, dahil ang mga ito ay
sinisiyasat nang espirituwal.
15 Ngunit siya na espirituwal ay
humuhukom sa lahat ng bagay, gayunman siya mismo ay hindi hinuhukuman ng
sinumang tao.
16 Pagkat sino ba ang nakaalam na ng
pag-iisip ng Panginoon, upang siya ay maaralan niya? Ngunit mayroon tayo ng
pag-iisip ni Kristo.
KABANATA 3
AT ako, mga kapatid, ay hindi
makapagsalita sa inyo gaya ng sa espirituwal, kundi gaya ng sa ayon-sa-laman, maging
gaya ng sa mga sanggol kay Kristo.
2 Pinakain ko kayo ng gatas, at hindi
ng pagkain: pagkat hindi pa ninyo nakayang tiisin ito, ni kahit ngayon ay kaya
ninyo.
3 Pagkat kayo ay ayon-sa-laman pa: pagkat
yamang sa gitna ninyo ay may pagkainggit, at sigalutan, at mga
pagkakahati-hati, hindi ba kayo ayon-sa-laman, at lumalakad gaya ng mga tao?
4 Pagkat habang sinasabi ng isa, ako ay
kay Paulo; at ng iba, ako ay kay Apolos; hindi ba kayo ayon-sa-laman?
5 Sino nga ba si Paulo,
at sino ba si Apolos, kundi mga ministro na sa pamamagitan nila ay nanalig
kayo, maging gaya ng ibinigay ng Panginoon sa bawa’t tao?
6 Ako ang nagtanim, si Apolos ang
nagdilig; ngunit ang Diyos ang nagbigay ng paglago.
7 Sa gayon nga hindi siya na nagtatanim
ng anumang bagay, ni siya na nagdidilig; kundi ang Diyos na nagbibigay ng
paglago.
8 Ngayon siya na nagtatanim at siya na
nagdidilig ay iisa: at ang bawa’t tao ay tatanggap ng sarili niyang gantimpala
ayon sa sarili niyang pagpapagal.
9 Pagkat kami ay mga sama-samang nagpapagal
na kasama ng Diyos: kayo ang pagsasaka ng Diyos, kayo ang gusali ng Diyos.
10 Ayon sa biyaya ng Diyos na
ibinibigay sa akin, gaya ng isang punong-tagapagtayo, ay inilagay ko na ang pinagsasaligan,
at iba ang nagtatayo sa ibabaw niyon. Ngunit hayaan ang bawa’t tao na mag-ingat
kung paano siya nagtatayo sa ibabaw niyon.
11 Pagkat walang taong maaaring
maglagay ng ibang pinagsasaligan maliban sa nailagay na, na ito ay si Jesus
Kristo.
12 Ngayon kung magtayo ang sinumang tao
sa ibabaw ng pinagsasaligang ito ng ginto, pilak, mahahalagang bato, kahoy,
tuyong-damo, pinaggapasan;
13 Ang gawa ng bawa’t tao ay malalantad:
pagkat isasaysay ito ng araw, dahil ibubunyag ito ng apoy; at ang apoy ang
susubok sa gawa ng bawa’t tao kung anong uri ito.
14 Kung manatili ang gawa ng sinumang
tao na itinayo niya sa ibabaw niyon, ay tatanggap siya ng isang gantimpala.
15 Kung masusunog ang gawa ng sinumang
tao, ay magtitiis siya ng pagkawala: ngunit siya mismo ay maliligtas; gayunman
gaya ng sa pamamagitan ng apoy.
16 Hindi ba ninyo nalalaman na kayo ang
templo ng Diyos, at ang Espiritu ng Diyos ay nananahan sa inyo?
17 Kung dungisan ng sinumang tao ang
templo ng Diyos, ay pupuksain siya ng Diyos; pagkat ang templo ng Diyos ay
banal, na ang templong ito ay kayo.
18 Huwag hayaang linlangin ng sinumang
tao ang kanyang sarili. Kung ang sinumang tao sa gitna ninyo ay waring marunong
sa sanlibutang ito, hayaan siyang maging isang hangal, upang dumunong siya.
19 Pagkat ang karunungan ng sanlibutang
ito ay kahalangan sa Diyos. Pagkat nasusulat ito, Hinuhuli niya ang marurunong
sa sarili nilang katusuhan.
20 At muli, Nalalaman ng Panginoon ang
mga iniisip ng marurunong, na ang mga ito ay walang-kabuluhan.
21 Kung gayon ay huwag hayaan ang
sinumang tao na magmapuri sa mga tao. Pagkat ang lahat ng bagay ay sa inyo;
22 Maging si Paulo, o si Apolos, o si Sefas,
o ang sanlibutan, o ang buhay, o ang kamatayan, o ang mga bagay na kasalukuyan,
o ang mga bagay na darating; ang lahat ay sa inyo;
23 At kayo ay kay Kristo; at si Kristo
ay sa Diyos.
HAYAANG ibilang kami ng isang tao ng
gayon, gaya ng mga ministro ni Kristo, at mga katiwala ng mga hiwaga ng Diyos.
2 Bukod dito ay kinakailangan ito sa
mga katiwala, na matagpuang matapat ang isang tao.
3 Ngunit sa akin ay isang napakaliit na
bagay ito na mahukuman ninyo ako, o ng paghukom ng tao: oo, hindi ko hinuhukuman
ang aking sarili.
4 Pagkat wala akong nalalaman sa
pamamagitan ng aking sarili; gayunman ay hindi ako sa ganito inaaring-ganap: ngunit
siya na humuhukom sa akin ay ang Panginoon.
5 Kung gayon ay huwag humukom sa anuman
bago ang panahon, hanggang sa dumating
ang Panginoon, na siya ay kapuwa magdadala patungo sa liwanag ng mga nakatagong
bagay ng dilim, at maglalantad ng mga payo ng mga puso: at sa gayon ang bawa’t
tao ay magkakaroon ng papuri ng Diyos.
6 At ang mga bagay na ito, mga kapatid,
ay taglay ko sa isang kahawig na inilipat sa aking sarili at kay Apolos
alang-alang sa inyo; upang matuto kayo sa amin na huwag mag-isip tungkol sa mga
tao nang higit doon sa nasusulat, upang walang isa man sa inyo ang magpalalo sa
isa laban sa iba.
7 Pagkat sino ba ang gumagawa sa inyong
maiba mula sa iba? at ano ba ang mayroon ka na hindi mo tinanggap? ngayon kung
tinanggap mo ito, bakit ka ba nagmamapuri, na tila hindi mo ito tinanggap?
8 Ngayon ay mga busog kayo, ngayon ay
mayayaman kayo, naghari na kayong gaya ng mga hari na wala kami: at nais ko sa
Diyos na naghari kayo, nang kami rin naman ay magharing kasama ninyo.
9 Pagkat iniisip kong inilagay na ng
Diyos kaming mga apostol na pinakahuli, gaya ng itinakda ito patungo sa
kamatayan: pagkat kami ay ginawang isang panoorin sa sanlibutan, at sa mga
anghel, at sa mga tao.
10 Kami ay mga hangal alang-alang kay
Kristo, ngunit kayo ay marurunong kay Kristo;
mahihina kami, ngunit malalakas kayo; mararangal kayo, ngunit hinahamak
kami.
11 Maging hanggang sa kasalukuyang oras
na ito kami ay kapuwa nagugutom, at nauuhaw, at mga hubad, at mga pinagsusuntok,
at walang tiyak na dakong-tahanan;
12 At nagpapagal, na gumagawa sa sarili
naming mga kamay: samantalang mga inaalipusta, kami ay nagpapala; samantalang
mga inuusig, ay tinitiis namin ito:
13 Samantalang mga sinisiraang-puri,
kami ay nakikiusap: ginagawa kaming gaya ng dumi ng sanlibutan, at mga sukal ng
lahat ng bagay hanggang sa araw na ito.
14 Hindi ko isinusulat ang mga bagay na
ito upang pahiyain kayo, kundi gaya ng mga minamahal kong lalaking-anak ay
binabalaan ko kayo.
15 Pagkat kahit na may sampung libong
mga tagapag-aral pa kayo kay Kristo, gayunman ay wala kayong maraming ama: pagkat
kay Kristo Jesus ay isinilang ko na kayo sa pamamagitan ng mabuting-balita.
16 Kaya nga namamanhik ako sa inyo,
maging mga tagasunod ko kayo.
17 Sa dahilang ito ay isinugo ko sa
inyo si Timoteus, na siyang minamahal kong anak, at matapat sa Panginoon, na siyang
magpapaalala sa inyo ng mga daan ko na nakay Kristo, gaya ng itinuturo ko sa kahit
saan sa bawa’t simbahan.
18 Ngayon ang ilan ay nagpapalalo, na
waring hindi ako papariyan sa inyo.
19 Ngunit papariyan ako sa inyo sa
madaling panahon, kung loobin ng Panginoon, at malalaman, hindi ang pananalita
nilang nagpapalalo, kundi ang kapangyarihan.
20 Pagkat ang kaharian ng Diyos ay
hindi sa salita, kundi sa kapangyarihan.
21 Ano ba ang ibig
ninyo? papariyan ba ako sa inyo na may isang pamalo, o nasa pagmamahal, at nasa
espiritu ng kaamuan?
No comments:
Post a Comment