SI
PAULO, na isang lingkod ng Diyos, at isang apostol ni Jesus Kristo, ayon sa
pananampalataya ng mga hinirang ng Diyos, at sa pagkakilala ng katotohanan na
alinsunod sa pagkamakadiyos;
2
Sa pag-asa ng buhay na walang-hanggan, na ang Diyos, na hindi makakapagsinungaling,
ang nangako, bago pa nagsimula ang sanlibutan;
3
Ngunit sa mga takdang panahon ay inilantad ang salita niya sa pamamagitan ng
pangangaral, na ito ay ipinagkakatiwala sa akin ayon sa kautusan ng Diyos na
Tagapagligtas natin;
4
Kay Titus, na sarili kong anak alinsunod sa pananampalatayang panlahat: Biyaya,
awa, at kapayapaan, mula sa Diyos Ama at Panginoong Jesus Kristo na
Tagapagligtas natin.
5
Sa dahilang ito ay iniwan kita sa Kreta, upang isaayos mo ang mga bagay na kinukulang,
at magtalaga ng matatanda sa bawa’t lunsod, gaya ng itinakda ko sa iyo:
6
Kung ang sinuman ay walang-kapintasan, ang bana ng iisang asawa, na may mga
anak na matatapat na hindi napaparatangan ng panggugulo o di-pagpapasakop.
7
Pagkat ang isang obispo ay dapat na walang-kapintasan, gaya ng katiwala ng
Diyos; hindi mapagsariling-kalooban, hindi madaling magalit, hindi mahilig sa
alak, hindi mapanakit, hindi mahilig sa maruming kapakinabangan;
8
Kundi isang mapagmahal sa pagtanggap sa mga panauhin, isang mapagmahal sa
mabubuting tao, mahinahon, makatarungan, banal, mapagtimpi;
9
Na pinanghahawakang mabuti ang salitang matapat gaya ng itinuro sa kanya, upang
makaya niya sa pamamagitan ng wastong turo na kapuwa tagubilinan at papaniwalain
ang mga tumututol.
10
Pagkat maraming mga di-nagpapasakop at mga mapangusap nang walang-kabuluhan at
mga manlilinlang, lalo na silang mula sa pagtutuli:
11
Na ang mga bibig nila ay dapat matigil, na nagpapahamak ng mga buong bahay, na
nagtuturo ng mga bagay na hindi nila nararapat ituro, alang-alang sa maruming
kapakinabangan.
12
Isa sa kanila, samakatuwid ay isang propetang sarili nila, ay nagsabing, Ang
mga taga-Kreta ay tuluy-tuloy na mga sinungaling, masasamang hayop, mababagal
na tiyan.
13
Tunay ang pagsaksing ito. Kaya nga sawayin sila nang matindi, nang maiwasto sila
sa pananampalataya;
14
Na hindi nagbibigay ng pakinig sa mga kathang maka-Judeo, at mga kautusan ng
mga tao, na tumatalikod mula sa katotohanan.
15
Sa dalisay ang lahat ng bagay ay dalisay: ngunit sa kanilang mga nadungisan at
di-nananalig ay walang dalisay; kundi maging ang kanilang pag-iisip at budhi ay
nadungisan.
16
Nagpapahayag sila na kilala nila ang Diyos; ngunit sa mga gawa ay itinatanggi
naman nila siya, na mga karumal-dumal, at di-matalimahin, at sa bawa’t mabuting
gawa ay mga itinakuwil.
NGUNIT
magsalita ka ng mga bagay na nababagay sa wastong turo:
2
Na ang mga may-gulang na lalaki ay maging mahinahon, kagalang-galang,
mapagtimpi, wasto sa pananampalataya, sa pagsinta, sa pagtitiyaga.
3
Ang mga may-gulang na babae sa katulad na paraan, ay magkaroon sila ng asal na
gaya ng nababagay sa kabanalan, hindi mga palabintangin ng mali, hindi mahilig
sa maraming alak, mga guro ng mabubuting bagay;
4
Na maturuan nila ang mga kabataang babae na maging mahinahon, na mahalin ang
mga bana nila, na mahalin ang mga anak nila,
5
Na maging maingat, malinis, mga tapapag-ingat sa tahanan, mabubuti, matalimahin
sa mga sarili nilang bana, upang ang salita ng Diyos ay hindi malapastangan.
6
Ang mga kabataang lalaki sa katulad na paraan ay tagubilinang maging mahinahon
sa pag-iisip.
7
Sa lahat ng bagay ay ipinapakita ang sarili mo na isang huwaran ng mabubuting
gawa: sa turo ay ipinapakita ang walang-kabulukan, paggalang, katapatan,
8
Wastong pananalita, na hindi maaaring hatulan; upang siyang nasa kabilang panig
ay mapahiya, na walang masamang bagay na masabi tungkol sa iyo.
9
Tagubilinan ang mga lingkod na maging matalimahin sa mga sarili nilang amo, at bigyang-kaluguran
sila nang mabuti sa lahat ng bagay; na hindi sila sumasagot nang pabalik;
10
Na hindi nang-uumit, kundi nagpapakita ng buong mabuting pagkamatapat; upang
magayakan nila ang turo ng Diyos na Tagapagligtas natin sa lahat ng bagay.
11
Pagkat ang biyaya ng Diyos na nagdadala ng kaligtasan ay nagpakita sa lahat ng
tao,
12
Na nagtuturo sa atin upang, sa pagtanggi natin sa di-pagkamakadiyos at mga makasanlibutang
pita, ay mabuhay tayo nang mahinahon, nang matuwid, at nang makadiyos, sa
kasalukuyang sanlibutang ito;
13
Na umaasam sa mapalad na pag-asang iyon, at maluwalhating pagpapakita ng
dakilang Diyos at Tagapagligtas nating si Jesus Kristo;
14
Na nagbigay ng kanyang sarili dahil sa atin, upang matubos niya tayo mula sa
buong kawalang-katarungan, at dalisaying ukol sa kanyang sarili ang isang
kakaibang bayan, na masigasig sa mabubuting gawa.
15
Ang mga bagay na ito ay salitain, itagubilin, at isaway na may buong kapamahalaan.
Huwag hayaang hamakin ka ng sinumang tao.
IPAALALA
sa kanila na magpasakop sa mga pamunuan at mga kapangyarihan, na tumalima sa
mga mahistrado, na maging handa sa bawa’t mabuting gawa,
2
Na huwag magsalita ng masama tungkol sa kaninumang tao, na huwag maging mga
palaaway, kundi malumanay, na nagpapakita ng buong kaamuan sa lahat ng tao.
3
Pagkat tayo rin naman ay minsang naging hangal, di-matalimahin, nalinlang,
naglilingkod sa iba’t ibang mga pita at mga kalayawan, namumuhay sa malisya at
inggit, nakamumuhi, at namumuhi sa isa’t isa.
4
Ngunit pagkatapos niyon ang kabaitan at pagmamahal ng Diyos na Tagapagligtas
natin tungo sa tao ay nagpakita,
5
Hindi sa pamamagitan ng mga gawa ng katuwiran na ginawa na natin, kundi ayon sa
awa niya ay iniligtas niya tayo, sa pamamagitan ng paghuhugas ng pagbabagong-lahi,
at pagpapanibago ng Banal na Diwa;
6 Na ibinuhos na niya sa atin nang masagana sa
pamamagitan ni Jesus Kristo na Tagapagligtas natin;
7 Upang sa pagkaaring-ganap ng kanyang biyaya,
ay maging mga tagapagmana tayo ayon sa pag-asa ng buhay na walang-hanggan.
8 Ito ay isang matapat na kasabihan, at ang
mga bagay na ito ay ibig kong panindigan mo nang matibay, upang silang nanalig
na sa Diyos ay magmalasakit na panatilihin ang mabubuting gawa. Ang mga bagay
na ito ay mabuti at kapaki-pakinabang sa mga tao.
9 Ngunit iwasan ang mga hangal na katanungan,
at mga talaan-ng-lahi, at mga pagtatalo, at mga pag-aalitan tungkol sa batas; Pagkat
sila ay di-kapaki-pakinabang at walang-kabuluhan.
10 Ang isang taong may hidwang-paniniwala
pagkatapos ng una at ikalawang pagpapaalala ay itakuwil mo;
11
Na nalalamang ang ganoon ay napapahamak, at nagkakasala, na hinahatulan ng
kanyang sarili.
12
Kapag isusugo ko na sa iyo si Artemas, o si Tikikus, magsikap kang pumaroon sa
akin sa Nikopolis: pagkat pinagpasyahan kong doon magtaglamig.
13
Isama si Zenas na tagapagtanggol ng batas at si Apolos sa paglalakbay nila nang
masikap, nang walang kapusin sa kanila.
14
At ang mga sa atin din naman ay matutong magpanatili ng mabubuting gawa ukol sa
mga kagamitang kailangan, nang hindi sila maging walang-bunga.
15
Nagpupugay sa iyo ang lahat ng kasama ko. Batiin silang nagmamahal sa atin sa
pananampalataya. Ang biyaya nawa ay makasama ninyong lahat. Amen.
Ito ay isinulat ni Paulo kay
Titus, itinalaga bilang unang obispo ng simbahan ng mga taga-Kreta,
mula sa Masedonya noong A.D. 65
No comments:
Post a Comment