SA WAKAS, mga kapatid, magalak sa
Panginoon. Ang magsulat ng mga gayon ring bagay sa inyo, sa akin talaga ay
hindi nakakapighati, kundi ito ay matiwasay patungkol sa inyo.
2 Mag-ingat sa mga aso, mag-ingat sa
masasamang manggagawa, mag-ingat sa mga pagpupungos.
3 Pagkat tayo ang pagtutuli, na
sumasamba sa Diyos sa espiritu, at nagagalak kay Kristo Jesus, at walang pagkakatiwala
sa laman.
4 Kahit maaari din naman akong
magkaroon ng pagkakatiwala sa laman. Kung nag-iisip ang sinumang ibang tao na
mayroon siya ng maaaring pagtiwalaan sa laman, ay lalo ako:
5 Na tinuli sa
ikawalong araw, mula sa lahi ni Israel, mula sa angkan ni Benjamin, isang Hebreo
mula sa mga Hebreo; patungkol sa batas, ay isang Pariseo;
6 Tungkol sa
sigasig, ay nag-uusig sa simbahan; patungkol sa katuwiran na nasa batas, ay
walang-kapintasan.
7 Ngunit kung
anong mga bagay na kapakinabangan sa akin, ang mga iyon ay ibinilang kong
kawalan dahil kay Kristo.
8 Oo walang alinlangan,
at ibinibilang kong kawalan ang lahat ng bagay dahil sa kagalingan ng kaalaman
ni Kristo Jesus na Panginoon ko: na dahil sa kanya ay tiniis ko ang kawalan ng
lahat ng bagay, at ibinibilang silang dumi lamang, upang makamit ko si Kristo,
9 At matagpuan sa
kanya, na hindi nagtataglay ng sarili kong katuwiran, na ito ay mula sa batas,
kundi ang sa pamamagitan ng pananampalataya ni Kristo, ang katuwiran na ito ay mula
sa Diyos sa pamamagitan ng pananampalataya:
10 Upang makilala
ko siya, at ang kapangyarihan ng pagkabuhay niyang muli, at ang pakikisama ng
mga pagdurusa niya, na ginagawang natutulad sa kamatayan niya;
11 Kung sa anumang
paraan ay makatamo ako patungo sa pagkabuhay na muli ng mga patay.
12 Hindi sa waring
natamo ko na ito, o sakdal na ako: kundi
humahabol ako, upang makuha ko ang ikinakuha rin naman sa akin ni Kristo Jesus.
13 Mga kapatid,
hindi ko ibinibilang ang sarili ko na nakuha ko na: ngunit ginagawa ko ang
iisang bagay na ito, nililimot ang mga bagay na iyon na nasa likuran, at inaabot
ang mga bagay na iyon na nasa harapan,
14 Nagtutumulin
ako hanggang sa hangganan ukol sa ganting-pala ng mataas na pagkakatawag ng
Diyos na nakay Kristo Jesus.
15 Tayo kung
gayon, gaya ng maraming sakdal, ay mag-isip nang ganoon: at kung sa anumang
bagay ay nagkakaiba kayo ng pag-iisip, ay ibubunyag ng Diyos maging ito sa inyo.
16 Gayon pa man, kung hanggang saan na
ang natamo natin, ay lumakad tayo sa pamamagitan ng gayon ring patakaran,
isipin natin ang gayon ring bagay.
17 Mga kapatid, maging magkakasamang
mga tagasunod ko, at tandaan silang lumalakad nang gayon gaya ng pagkakaroon
ninyo sa amin bilang isang uliran.
18 (Pagkat maraming lumalakad, na
tungkol sa kanila ang malimit kong sabihin sa inyo, at ngayon nga ay sinasabi
ko sa inyo maging nang lumuluha, na sila ang mga kaaway ng kurus ni Kristo:
19 Na ang katapusan nila ay pagkapuksa,
na ang Diyos nila ay ang tiyan nila, at ang kaluwalhatian nila ay nasa
kahihiyan nila, silang nag-iisip ng mga bagay na makalupa.)
20 Pagkat ang pamumuhay natin ay nasa
langit; na galing doon din naman ay inaasam natin ang Tagapagligtas, ang Panginoong Jesus
Kristo:
21 Na siyang magbabago ng abang katawan
natin, upang maanyuan itong katulad ng maluwalhati niyang katawan, ayon sa
paggawa na sa pamamagitan nito ay kaya niya maging ang ipasuko ang lahat ng
bagay sa kanyang sarili.
KUNG GAYON, mga kapatid kong
pinakamamahal at pinananabikan, kagalakan ko at putong, sa gayon ay tumayong matatag
sa Panginoon, mga pinakamamahal ko.
2 Namamanhik ako kay Euodias, at
namamanhik kay Sintike, na maging magkatulad sila ng pag-iisip sa Panginoon.
3 At sumasamo rin naman ako sa iyo,
tunay na kasama-sa-pamatok, tulungan ang mga babaeng iyon na nagpagal na kasama
ko sa mabuting-balita, kasama rin ni Klemente, at kasama rin ng iba pang mga
kasamang-nagpapagal ko, na ang mga pangalan nila ay nasa aklat ng buhay.
4 Magalak sa Panginoon nang
tuluy-tuloy: at muli kong sinasabi, Magalak.
5 Hayaang ang kayumian ninyo ay makilala
ng lahat ng tao. Ang Panginoon ay malapit na.
6 Mabalisa kayo sa walang-anuman; kundi
sa bawa’t bagay sa pamamagitan ng panalangin at paghiling na may pagpapasalamat
ay hayaang ang mga pakiusap ninyo ay maipaalam sa Diyos.
7 At ang kapayapaan ng Diyos, na ito ay
lumalampas sa buong pagkaunawa, ay mag-iingat sa inyong mga puso at mga
pag-iisip sa pamamagitan ni Kristo Jesus.
8 Sa wakas, mga kapatid, anumang mga
bagay ang totoo, anumang mga bagay ang tapat, anumang mga bagay ang
makatarungan, anumang mga bagay ang dalisay, anumang mga bagay ang kaibig-ibig,
anumang mga bagay ang may mabuting ulat; kung may anumang katangian, at kung
may anumang kapurihan, ay isipin ninyo ang mga bagay na ito.
9 Ang mga bagay na iyon, na kapuwa
ninyo natutuhan, at tinanggap, at narinig, at nakita sa akin, ay gawin: at ang
Diyos ng kapayapaan ay makakasama ninyo.
10 Ngunit lubha akong nagalak sa
Panginoon, na ngayon sa kahuli-hulihan ang pagmamalasakit ninyo sa akin ay
namulaklak na muli; na kung saan kayo rin naman ay naging mapagmalasakit, ngunit
nagkulang kayo ng pagkakataon.
11 Hindi sa nagsasalita ako ng
tungkol sa kakapusan: pagkat natutuhan
ko, na sa anumang lagay ko, na kalakip niyon ay masiyahan na ako.
12 Nalalaman ko kapuwa kung paanong magpakababa,
at nalalaman ko rin naman kung paanong sumagana: kahit saan at sa lahat ng
bagay ay naaralan ako na kapuwa mabusog at magutom, kapuwa sumagana at magtiis
ng kailangan.
13 Magagawa ko ang lahat ng bagay sa
pamamagitan ni Kristo na siyang nagpapalakas sa akin.
14 Sa kabila nito ay mabuti ang ginawa
ninyo, na nakibahagi kayo sa paghihirap ko.
15 Ngayon kayong mga taga-Filipos ay
nakakaalam rin naman, na sa pasimula ng mabuting-balita, noong umalis ako sa Masedonya,
walang simbahang nakibahagi sa akin tungkol sa pagbibigay at pagtanggap, kundi
kayo lamang.
16 Pagkat kahit sa Tesalonika ay
nagpadala kayong minsan at muli sa pangangailangan ko.
17 Hindi dahil sa naghahangad ako ng
isang kaloob: kundi naghahangad ako ng bunga na maaaring sumagana sa ganang
inyo.
18 Ngunit mayroon ako ng lahat, at
sumasagana: busog ako, na nakakatanggap mula kay Epafroditus ng mga bagay na
ipinadalang galing sa inyo, na isang amoy ng mabangong samyo, na isang haing
katanggap-tanggap, na lubhang nakalulugod sa Diyos.
19 Ngunit tutustusan ng aking Diyos ang
buo ninyong kailangan ayon sa mga kayamanan niya sa kaluwalhatian sa
pamamagitan ni Kristo Jesus.
20 Ngayon sa Diyos at Ama natin ay ang
kaluwalhatian magpakailan at kailan man. Amen.
21 Pugayan ang bawa’t banal kay Kristo Jesus.
Ang mga kapatid na kasama ko ay bumabati sa inyo.
22 Nagpupugay sa
inyo ang lahat ng banal, pangunahin na silang mula sa sambahayan ni Sesar.
23 Ang biyaya ng ating Panginoong Jesus
Kristo nawa ay makasama ninyong lahat. Amen.
No comments:
Post a Comment