MGA TAGA-FILIPOS
SI PAULO at si Timoteus,
ang mga lingkod ni Jesus Kristo, sa lahat ng banal kay Kristo Jesus na mga nasa
Filipos, kasama ng mga obispo[1] at mga diyakono[2]:
2 Ang biyaya nawa ay sumainyo, at ang kapayapaan,
mula sa Diyos na Ama natin, at mula sa Panginoong Jesus Kristo.
3 Pinapasalamatan ko ang aking Diyos sa
bawa’t pag-alaala ko sa inyo,
4 Palagi sa bawa’t panalangin ko patungkol
sa inyong lahat na gumagawa ng pakiusap na may kagalakan,
5 Dahil sa pakikisama ninyo sa
mabuting-balita mula pa nang unang araw hanggang ngayon;
6 Na nagkakatiwala sa mismong bagay na
ito, na siyang nagsimula ng isang mabuting gawa sa inyo ay magsasagawa nito
hanggang sa araw ni Jesus Kristo:
7 Maging gaya ng marapat na isipin ko ito
tungkol sa inyong lahat, dahil taglay ko kayo sa puso ko; yamang kapuwa sa mga
tanikala ko, at sa pagtatanggol at pagtitibay ng mabuting-balita, kayong lahat
ay mga kabahagi ng biyaya ko.
8 Pagkat ang Diyos ang patotoo ko, kung
gaanong kasidhi akong nananabik sa inyong lahat sa mga kaloob-looban ni Jesus
Kristo.
9 At idinadalangin ko ito, na ang
pagmamahal nawa ninyo ay sumagana nang higit at higit pa sa kaalaman at sa
buong paghukom;
10 Upang masubok ninyo ang mga bagay na
magagaling; nang maging tapat kayo at walang katitisuran hanggang sa araw ni
Kristo;
11 Na napupuno ng mga bunga ng
katuwiran, na ang mga ito ay sa pamamagitan ni Jesus Kristo, sa ikaluluwalhati
at ikapupuri ng Diyos.
12 Ngunit nais kong maunawaan ninyo,
mga kapatid, na ang mga bagay na nangyari sa akin ay humantong bagkus sa
ikasusulong ng mabuting-balita;
13 Anupa’t ang mga tanikala ko kay
Kristo ay lantad sa buong palasyo, at sa lahat ng ibang dako;
14 At marami sa mga kapatid sa
Panginoon, na nagiging nagkakatiwala sa pamamagitan ng mga tanikala ko, ay
higit na mas matapang na salitain ang salita nang walang pagkatakot.
15 Ang ilan ay talagang ipinangangaral
si Kristo maging mula sa inggit at sigalutan; at ang ilan din naman ay mula sa
mabuting kalooban:
16 Ang isa ay ipinangangaral si Kristo
mula sa pagtatalo, nang hindi tapat, na nagpapalagay na magdaragdag ng
paghihirap sa mga tanikala ko:
17 Ngunit ang iba naman ay mula sa
pagmamahal, na nalalamang ako ay inilalagay ukol sa pagtatanggol ng
mabuting-balita.
18 Ano nga ba? gayon pa man, sa bawa’t
paraan, maging sa pagkukunwari, o sa katotohanan, si Kristo ay ipinapangaral;
at doon ay nagagalak ako, oo, at magagalak.
19 Pagkat nalalaman kong ang
kahihinatnan nito ay ang kaligtasan ko sa pamamagitan ng panalangin ninyo, at
ng pagtutustos ng Espiritu ni Jesus Kristo.
20 Ayon sa maalab kong pag-asam at
pag-asa ko, na sa anumang-bagay ay hindi ako mapapahiya, kundi nang may buong katapangan, gaya ng palagi, sa
gayon din naman ngayon si Kristo ay dadakilain sa katawan ko, maging ito man ay
sa pamamagitan ng buhay, o sa pamamagitan ng kamatayan.
21 Pagkat sa akin ang mabuhay ay si
Kristo, at ang mamatay ay kapakinabangan.
22 Ngunit kung nabubuhay ako sa laman,
ito ang bunga ng pagpapagal ko: gayunman kung ano ang pipiliin ko ay aywan ko.
23 Pagkat naiipit ako sa pagitan ng
dalawa, na nagtataglay ng isang paghahangad na umalis, at makasama si Kristo;
na ito ay higit na mas mabuti:
24 Gayon pa man ang manatili sa laman
ay higit na kinakailangan dahil sa inyo.
25 At taglay ang pagkakatiwalang ito,
ay nalalaman ko na mananatili ako at magpapatuloy na kasama ninyong lahat
patungkol sa ikasusulong ninyo at kagalakan ng pananampalataya;
26 Upang ang pagkagalak ninyo ay maging
mas masagana kay Jesus Kristo dahil sa akin sa pamamagitan ng pagdating kong
muli sa inyo.
27 Lamang ay hayaan ninyong ang
pamumuhay ninyo ay maging gaya ng nababagay sa mabuting-balita ni Kristo: upang
kung dumating man ako at makita kayo, o kaya ay wala man sa harapan, ay marinig
ko ang mga bagay tungkol sa inyo, na tumatayo kayong matatag sa iisang
espiritu, na may iisang pag-iisip na nagsisikap nang sama-sama ukol sa
pananampalataya ng mabuting-balita;
28 At nasisindak sa walang-anuman ng
mga katunggali ninyo: na ito sa kanila ay isang malinaw na palatandaan ng
pagkawasak, ngunit sa inyo ay ng kaligtasan, at iyon ay mula sa Diyos.
29 Pagkat sa inyo ay ibinigay ito sa
kapakanan ni Kristo, hindi lamang ang manalig sa kanya, kundi ang magtiis rin
naman alang-alang sa kanya;
30 Na tinataglay ang gayon ring pakikipaglaban
na nakita ninyo sa akin, at ngayon ay naririnig ninyong nasa akin.
KUNG mayroon kung gayon na anumang kagiliwan
kay Kristo, kung anumang kaaliwan ng pagmamahal, kung anumang pakikisama ng
Espiritu, kung anumang mga kaloob-looban at mga kaawaan,
2 Ay ganapin ninyo ang kagalakan ko, na
kayo ay maging magkakatulad-sa-pag-iisip,
na tinataglay ang gayon ring pagmamahal, na nagkakaisa, sa iisang pag-iisip.
3 Hayaang walang-anumang magawa sa
pamamagitan ng sigalutan o walang-kabuluhang kaluwalhatian; kundi sa kababaan
ng pag-iisip ay hayaan ang bawa’t isa na pahalagahan ang iba nang higit sa
kanilang sarili.
4 Huwag tingnan ng bawa’t tao ang
sarili niyang mga bagay, kundi ng bawa’t tao rin naman ang mga bagay ng mga
iba.
5 Hayaang ang
pag-iisip na ito ay mapasa-inyo, na napasa kay Kristo Jesus din naman:
6 Siya, na nasa anyo
ng Diyos, ay hindi nag-isip na pag-aangkin ang maging kapantay ng Diyos:
7 Kundi ginawa niya ang kanyang sarili
na walang dangal, at kinuha niya ang anyo ng isang lingkod, at ginawa sa wangis
ng mga tao:
8 At siyang natatagpuan sa hugis gaya
ng isang tao, ay ibinaba niya ang kanyang sarili, at naging matalimahin
hanggang sa kamatayan, maging ang kamatayan ng kurus.
9 Kaya nga itinaas din naman siya ng
Diyos nang napakataas, at binigyan siya ng isang pangalang nakahihigit sa
bawa’t pangalan:
10 Upang sa pangalan ni Jesus ang
bawa’t tuhod ay lumuhod, ng mga bagay sa langit, at mga bagay sa lupa, at mga
bagay sa ilalim ng lupa;
11 At nang ang bawa’t dila ay magpahayag
na si Jesus Kristo ay Panginoon, sa ikaluluwalhati ng Diyos Ama.
12 Kaya nga, mga minamahal ko, kung
paano kayong laging tumalima, hindi lamang sa harapan ko, kundi lalong higit ngayon
sa pagkaliban ko, ay isagawa ang sarili ninyong kaligtasan na may pagkatakot at
panginginig.
13 Pagkat ang Diyos ang gumagawa sa
inyo kapuwa upang mag-ibig at upang gumawa ng mabuti niyang kaluguran.
14 Gawin ang lahat ng bagay na walang
mga bulung-bulungan at mga pangangatuwiranan:
15 Nang kayo ay maging mga
walang-kapintasan at di-nakakapanakit, mga lalaking-anak ng Diyos, na walang
dungis, sa gitna ng isang baluktot at tampalasang bansa, na sa gitna nila ay
sumisikat kayong gaya ng mga ilaw sa sanlibutan;
16 Na pinanghahawakan ang salita ng
buhay; upang magalak ako sa araw ni Kristo, na hindi ako tumakbo nang
walang-kabuluhan, ni nagpagal nang walang-kabuluhan.
17 Oo, at kung ihandog ako sa hain at
paglilingkod ng pananampalataya ninyo, ay nagagalak ako, at nakikigalak sa
inyong lahat.
18 Pagkat sa gayon ring dahilan ay
nagagalak kayo, at nakikigalak sa akin.
19 Ngunit nagtitiwala ako sa Panginoong
Jesus na isugo si Timoteus sa inyo sa madaling panahon, nang ako rin naman ay maaliw
nang mabuti, kapag nalaman ko ang lagay ninyo.
20 Pagkat walang taong katulad ko ang
pag-iisip, na siyang likas na magmamalasakit sa lagay ninyo.
21 Pagkat ang lahat ay naghahanap ng ukol
sa kanilang sarili, at hindi ng mga bagay na kay Jesus Kristo.
22 Ngunit nalalaman ninyo ang katunayan
niya, na, gaya ng isang lalaking-anak sa kanyang ama, ay naglingkod siyang
kasama ko sa mabuting-balita.
23 Siya kung gayon ang inaasahan kong isugo sa inyo sa kasalukuyan,
nang gayon kadali pagkakita ko kung
anong mangyayari sa akin.
24 Ngunit nagtitiwala ako sa Panginoon
na ako rin mismo ay darating sa madaling panahon.
25 Gayunman ay ipinalagay kong
kinakailangang isugo sa inyo si Epafroditus, na kapatid ko, at kasamahan sa pagpapagal,
at kasamang-kawal, ngunit sugo ninyo, at siya na nagministeryo sa mga kakapusan ko.
26 Pagkat nanabik siya sa inyong lahat,
at napuno ng kabigatan, dahil sa narinig ninyong maysakit siya.
27 Pagkat talaga ngang nagkasakit siya
na nabingit sa kamatayan: ngunit naawa ang Diyos sa kanya; at hindi lamang sa
kanya, kundi sa akin din naman, baka magkaroon ako ng kalumbayan sa ibabaw ng
kalumbayan.
28 Isinugo ko siya kung gayon nang mas
maingat, upang, pagkakita ninyong muli sa kanya, ay magalak kayo, at nang hindi
ako gaanong malumbay.
29 Tanggapin siya kung gayon sa
Panginoon na may buong katuwaan; at ituring siyang may dangal;
30 Dahil dahil sa gawa ni Kristo ay
nabingit siya sa kamatayan, na hindi inalintana ang buhay niya, upang tustusan
ang kakulangan ninyo ng paglilingkod tungo sa akin.
No comments:
Post a Comment