ITO ay
pangkaraniwang naiuulat na mayroong pakikiapid sa gitna ninyo, at ang ganoong
pakikiapid ay hindi man gayong lubhang nababanggit sa gitna ng mga Hentil, na
ang isa ay mag-aangkin sa asawa ng ama niya.
2 At kayo ay
nagpapalalo, at hindi bagkus nagdalamhati, upang siya na gumawa na ng gawaing
ito ay maialis mula sa gitna ninyo.
3 Pagkat ako sa
katotohanan, gaya ng wala-sa-harapan sa katawan, ngunit nasa harapan sa espiritu,
ay nakahukom na, na waring ako ay nasa harapan ninyo, tungkol sa kanyang gumawa
ng gawaing ito,
4 Sa pangalan ng
ating Panginoong Jesus Kristo, kapag kayo ay sama-samang nagkakatipon, at ang
espiritu ko, kasama ang kapangyarihan ng ating Panginoong Jesus Kristo,
5 Upang ibigay ang
ganoon sa Satanas ukol sa ikapupuksa ng laman, upang ang espiritu ay maligtas
sa araw ng Panginoong Jesus.
6 Ang pagmamapuri ninyo ay hindi
mabuti. Hindi ba ninyo nalalaman na ang isang kaunting pampaalsa ay nagpapaalsa
sa buong limpak?
7 Alisin kung gayon ang lumang pampaalsa,
upang kayo ay maging isang bagong limpak, gaya ng kayo ay walang-pampaalsa. Pagkat
maging si Kristo na pasko natin ay inihain dahil sa atin:
8 Kung gayon ipangilin natin ang pista,
hindi nang may lumang pampaalsa, ni nang may pampaalsa ng malisya at
kabalakyutan; kundi nang may tinapay na walang-pampaalsa ng katapatan at
katotohanan.
9 Sumulat ako sa inyo sa isang sulat na
huwag sumama sa mga mapakiapid:
10 Gayunman ay hindi sa kalahatan ng
mga mapakiapid ng sanlibutang ito, o ng mga masasakim, o ng mga mapanghuthot, o
ng mga mapagsamba sa diyusdiyosan; pagkat kung sa gayon ay kinakailangan ninyong
lumabas mula sa sanlibutan.
11 Ngunit ngayon ay sumulat ako sa inyo
na huwag kayong sumama sa samahan, kung ang sinumang taong tinatawag na isang lalaking-kapatid
ay isang mapakiapid, o masakim, o isang mapagsamba sa diyusdiyosan, o isang
mapang-alipusta, o isang manlalasing, o isang manghuhuthot; sa ganoon ay huwag man
lang makisalo.
12 Pagkat ano ba ang magagawa ko upang hukuman
din naman silang nasa labas? hindi ba ninyo hinuhukuman silang nasa loob?
13 Ngunit sa kanilang nasa labas ang
Diyos ang humuhukom. Kung gayon ay alisin mula sa gitna ng inyong sarili ang
balakyot na taong iyon.
NANGANGAHAS ba ang sinuman sa inyo, na
mayroong isang bagay laban sa iba, na pumaroon sa hukuman sa harapan ng mga
di-ganap, at hindi sa harapan ng mga banal?
2 Hindi ba ninyo nalalaman na huhukuman
ng mga banal ang sanlibutan? at kung ang sanlibutan ay huhukuman ninyo, kayo ba
ay di-karapatdapat na humukom sa maliliit na bagay?
3 Hindi ba ninyo nalalamang huhukuman natin
ang mga anghel? gaano pa kaya ang mga bagay na nauukol sa buhay na ito?
4 Kung may mga paghukom nga kayo na
nauukol sa buhay na ito, ay ilagay silang pinapahalagahan nang pinakamababa sa simbahan upang humukom.
5 Nagsasalita ako sa
kahihiyan ninyo. Gayon ba, na walang isang marunong na tao sa gitna ninyo? wala
ba, kahit isa man lang na kakayaning humukom sa pagitan ng mga kapatid niya?
6 Kundi ang
kapatid ay pumaparoon sa hukumang kasama ang kapatid, at iyon ay sa harapan ng
mga di-nananalig.
7 Ngayon kung
gayon ay may isang lubusang pagkukulang sa gitna ninyo, dahil pumaparoon kayo
sa hukumang kasama ng isa’t isa. Bakit hindi ninyo bagkus tanggapin ang mali? bakit hindi
ninyo bagkus payagang madaya ang mga sarili ninyo?
8 Hindi, gumagawa kayo ng mali, at
nandaraya, at iyon ay sa mga kapatid pa ninyo.
9 Hindi ba ninyo nalalamang hindi
magmamana ng kaharian ng Diyos ang mga liko? Huwag magpalinlang: hindi ang mga
mapakiapid, ni ang mga mapagsamba sa diyusdiyosan, ni ang mga mapangalunya, ni
ang mga binabae, ni ang mga nagpapakalabis nang paggamit ng kanilang sarili sa kapuwa-lalaki,
10 Ni ang mga magnanakaw, ni ang
masasakim, ni ang mga manlalasing, ni ang mga mapanlait, ni ang mga
mapanghuthot, ang magmamana ng kaharian ng Diyos.
11 At ganoon ang ilan sa inyo: ngunit
kayo ay hinuhugasan, ngunit kayo ay pinapabanal, ngunit kayo ay inaaring-ganap
sa pangalan ng Panginoong Jesus, at sa pamamagitan ng Espiritu ng Diyos natin.
12 Ang lahat ng bagay ay makatuwiran sa
akin, ngunit ang lahat ng bagay ay hindi naaangkop: ang lahat ng bagay ay
makatuwiran sa ganang akin, ngunit hindi ako madadala sa ilalim ng
kapangyarihan ninuman.
13 Ang mga pagkain ay ukol sa tiyan, at
ang tiyan ukol sa mga pagkain: ngunit pupuksain ng Diyos kapuwa ito at ang mga
ito. Ngayon ang katawan ay hindi ukol sa pakikiapid, kundi ukol sa Panginoon;
at ang Panginoon ay ukol sa katawan.
14 At ang Diyos ay kapuwa nagbangon sa
Panginoon, at magbabangon din naman sa atin sa pamamagitan ng sarili niyang
kapangyarihan.
15 Hindi ba ninyo nalalamang ang mga
katawan ninyo ay mga sangkap ni Kristo? kukunin ko ba sa gayon ang mga sangkap
ni Kristo, at gagawin ang mga ito na mga sangkap ng isang patutot? Ipagbawal nawa
ng Diyos.
16 Ano ba? hindi ba ninyo nalalamang
siya na nakikisanib sa isang patutot ay iisang katawan? pagkat ang dalawa, sabi
niya, ay magiging iisang laman.
17 Ngunit siya na nakikisanib sa
Panginoon ay iisang espiritu.
18 Takasan ang pakikiapid. Ang bawa’t
kasalanang ginagawa ng isang tao ay nasa labas ng katawan; ngunit siya na nakikiapid
ay nagkakasala laban sa sarili niyang katawan.
19 Ano ba? hindi ba ninyo nalalamang
ang katawan ninyo ang templo ng Banal na Diwa na nasa inyo, na mayroon kayo
mula sa Diyos, at kayo ay hindi sa inyong sarili?
20 Pagkat binili kayo na may isang halaga: kung gayon ay luwalhatiin ang
Diyos sa inyong katawan, at sa inyong espiritu, na ang mga ito ay sa Diyos.
NGAYON tungkol sa mga bagay na isinulat
ninyo sa akin: Mabuti ito patungkol sa isang lalaki na huwag humipo sa isang
babae.
2 Gayon pa man, upang maiwasan ang
pakikiapid, ay hayaang ang bawa’t lalaki ay magkaroon ng sarili niyang asawa,
at hayaang ang bawa’t babae ay magkaroon ng sarili niyang bana.
3 Hayaang ibigay ng bana sa asawa ang
nararapat na kagandahang-loob: at sa katulad na paraan din naman ng asawa sa bana.
4 Ang asawa ay walang kapangyarihan sa
sarili niyang katawan, kundi ang bana: at sa katulad na paraan din naman ang bana
ay walang kapangyarihan sa sarili niyang katawan, kundi ang asawa.
5 Huwag ninyong pagkaitan ang isa’t
isa, malibang ito ay may pagsang-ayong ukol sa isang panahon, upang maibigay
ninyo ang sarili ninyo sa pag-aayuno at panalangin; at magsamang muli, nang
hindi kayo tuksuhin ng Satanas dahil sa kawalan ninyo ng pagpipigil.
6 Ngunit nagsasalita ako sa pamamagitan
ng pahintulot, at hindi mula sa kautusan.
7 Pagkat nais kong ang lahat ng tao ay
maging gaya ko ng aking sarili. Ngunit ang bawa’t tao ay may angkop niyang kaloob
mula sa Diyos, ang isa ay alinsunod sa pamamaraang ito, at ang iba ay alinsunod
doon.
8 Sinasabi ko kung gayon sa mga
walang-asawa at sa mga balo, Mabuti ito patungkol sa kanila na manatili silang
maging gaya ko.
9 Ngunit kung hindi sila makapagpigil,
ay hayaan silang mag-asawa: pagkat mas mabuting mag-asawa kaysa mag-alab.
10 At sa mga may-asawa ay ipinag-uutos
ko, gayunman ay hindi ako, kundi ang Panginoon, Huwag hayaang humiwalay ang asawa
sa bana niya:
11 Ngunit at kung humiwalay siya, ay
hayaan siyang manatiling walang-asawa, o makipagkasundo sa bana niya: at huwag
hayaan ang bana na paalisin ang asawa niya.
12 Ngunit sa iba ay ako ang
nagsasalita, hindi ang Panginoon: Kung ang sinumang lalaking-kapatid ay may
isang asawa na hindi nananalig, at ito ay nalulugod na manahang kasama niya, ay
huwag siyang hayaang paalisin ito.
13 At ang babaeng may isang bana na
hindi nananalig, at kung ito ay nalulugod na manahang kasama niya, ay huwag
siyang hayaang iwanan ito.
14 Pagkat ang bana na di-nananalig ay
pinababanal sa pamamagitan ng asawa, at ang asawang di-nananalig ay pinababanal
sa pamamagitan ng bana: kung di-gayon ang mga anak ninyo ay marurumi; ngunit
ngayon ay mga banal sila.
15 Ngunit kung humiwalay ang di-nananalig,
ay hayaan siyang humiwalay. Ang isang lalaking-kapatid o ang isang
babaeng-kapatid ay wala sa ilalim ng pagkaalipin sa ganoong mga bagay: kundi
tinawag na tayo ng Diyos patungo sa kapayapaan.
16 Pagkat ano ba ang nalalaman mo, O asawa,
kung maililigtas mo ang bana mo? o paano mo ba nalalaman, O lalaki, kung
maililigtas mo ang asawa mo?
17 Ngunit gaya ng ipinamahagi na ng
Diyos sa bawa’t tao, gaya ng pagkakatawag ng Panginoon sa bawa’t isa, ay
hayaang gayon siya lumakad. At gayon ang ipinag-uutos ko sa lahat ng simbahan.
18 Tinatawag ba ang sinumang tao na tuli?
huwag siyang hayaang maging di-tuli. Tinatawag ba ang sinumang nasa
di-pagtutuli? huwag siyang magpatuli.
19 Ang pagtutuli ay walang-anuman, at
ang di-pagtutuli ay walang-anuman, kundi ang pag-iingat ng mga kautusan ng
Diyos.
20 Hayaan ang bawa’t taong manatili sa
gayon ding pagkakatawag kung saan siya tinawag.
21 Tinatawag ka ba samantalang isa kang
lingkod? huwag mabalisa ukol dito: ngunit kung magagawa mong lumaya, gamitin mo
ito bagkus.
22 Pagkat siya na tinatawag sa
Panginoon, samantalang isang lingkod, ay ang malayang-tao ng Panginoon: sa
katulad na paraan din naman siya na tinatawag, samantalang malaya, ay lingkod
ni Kristo.
23 Binili kayo na may isang halaga;
huwag kayong maging mga lingkod ng mga tao.
24 Mga kapatid, hayaan ang bawa’t tao,
kung saan siya ay tinatawag, na doon ay manatili siyang kasama ng Diyos.
25 Ngayon tungkol sa mga birhen ay wala
akong kautusan mula sa Panginoon: gayunman ay ibinibigay ko ang paghukom ko,
gaya ng isang nagkakamit ng awa mula sa Panginoon upang maging matapat.
26 Ipinapalagay ko kung gayon na mabuti
ito patungkol sa kasalukuyang kahapisan, sinasabi ko, na mabuti ito patungkol
sa isang tao na maging gayon.
27 Nakatali ka ba sa isang asawa? huwag
maghanap na makalas. Kalas ka ba mula sa isang asawa? huwag maghanap ng isang asawa.
28 Ngunit at kung mag-asawa ka, ay hindi
ka nagkasala; at kung mag-asawa ang isang birhen, ay hindi siya nagkasala.
Gayon pa man ang ganoon ay magkakaroon ng pahirap sa laman: ngunit iniiwas ko
kayo.
29 Ngunit ito ang sinasabi ko, mga
kapatid, maiksi ang panahon: natitira ito, na kapuwa silang may mga asawa ay
maging waring hindi sila nagkaroon;
30 At silang tumatangis, na waring
hindi sila tumangis; at silang nagagalak, na waring hindi sila nagalak; at silang
bumibili, na waring hindi sila nagmay-ari.
31 At silang gumagamit sa sanlibutang
ito, na gaya ng hindi nagpapakalabis ng paggamit rito: pagkat ang hugis ng sanlibutang
ito ay lumilipas.
32 Ngunit nais ko kayong mawalan ng
kabalisahan. Siya na walang-asawa ay nagmamalasakit patungkol sa mga bagay na
nabibilang sa Panginoon, kung paano siyang makalulugod sa Panginoon:
33 Ngunit siya na may-asawa ay
nagmamalasakit patungkol sa mga bagay na nasa sanlibutan, kung paano siyang
makalulugod sa asawa niya.
34 May kaibahan din naman sa pagitan ng
isang asawa at ng isang birhen. Ang babaeng walang-asawa ay nagmamalasakit patungkol
sa mga bagay ng Panginoon, upang maging banal siya kapuwa sa katawan at sa
espiritu: ngunit siya na may-asawa ay nagmamalasakit patungkol sa mga bagay ng sanlibutan,
kung paano siyang makalulugod sa bana niya.
35 At sinasabi ko ito dahil sa sarili ninyong
kapakinabangan; hindi upang makapaglagay ako ng bitag sa inyo, kundi patungkol
doon sa kaakit-akit, at nang makapag-asikaso kayo sa Panginoon nang walang
abala.
36 Ngunit kung iniisip ng sinumang
lalaki na umaasal siya nang pangit tungo sa birhen niya, kung lumampas na ito sa
bulaklak ng gulang niya, at kinakailangan ang gayon, ay hayaan siyang gawin ang
iniibig niya, hindi siya nagkakasala: hayaan silang mag-asawa.
37 Gayon pa man siya na tumatayong
matatag sa puso niya, na walang pangangailangan, ngunit may kapangyarihan sa
ibabaw ng sarili niyang kalooban, at napagpasyahan na sa puso niya nang gayon na iingatan niya ang birhen niya, ay
gumagawa nang mabuti.
38 Sa gayon nga siya na nagbibigay sa
kanya sa pag-aasawa ay gumagawa nang mabuti; ngunit siya na hindi nagbibigay sa
kanya sa pag-aasawa ay gumagawa nang mas mabuti.
39 Ang asawa ay natatalian ng batas
hangga’t nabubuhay ang bana niya; ngunit kung mamatay ang bana niya, ay nasa
kamaharlikaan siya upang mag-asawa ng iniibig niya; lamang ay sa Panginoon.
40 Ngunit mas maligaya siya kung
mananatili siya nang gayon, alinsunod sa paghukom ko: at iniisip ko rin naman
na mayroon akong Espiritu ng Diyos.
NGAYON patungkol sa mga bagay na
inihahandog sa mga diyusdiyosan, ay nalalaman nating tayong lahat ay may
kaalaman. Ang kaalaman ay nagpapalalo, ngunit ang pagsinta ay nagpapatibay.
2 At kung iniisip ng sinumang tao na
may nalalaman siyang anumang bagay, ay wala pa siyang nalalamang gaya ng
nararapat niyang malaman.
3 Ngunit kung ang sinumang tao ay
nagmamahal sa Diyos, ang gayon din ay nakikilala niya.
4 Patungkol kung gayon sa pagkain ng
mga bagay na iyon na inihahandog na hain sa mga diyusdiyosan, ay nalalaman
nating ang isang diyusdiyosan ay walang-anuman sa sanlibutan, at walang ibang
Diyos kundi iisa lamang.
5 Pagkat kahit na may tinatawag pang mga
diyos, maging sa langit o sa lupa, (gaya ng may mga diyos na marami, at mga
panginoong marami,)
6 Ngunit sa atin ay may iisang Diyos
lamang, ang Ama, na mula sa kanya ang lahat ng bagay, at tayo ay nasa kanya; at
iisang Panginoong Jesus Kristo, na sa pamamagitan niya ang lahat ng bagay, at
tayo ay sa pamamagitan niya.
7 Subali’t wala sa bawa’t tao ang kaalamang
iyon: pagkat ang ilang may budhi ng
diyusdiyosan hanggang sa oras na ito ay kumakain nito gaya ng isang
bagay na inihahandog sa isang diyusdiyosan; at ang budhi nila samantalang
mahina ay nadungisan.
8 Ngunit ang pagkain ay hindi naglalapit
sa atin sa Diyos: pagkat hindi, kung kumain man tayo, ay mas mabuti tayo; ni,
kung hindi man tayo kumain, ay mas masama tayo.
9 Ngunit mag-ingat na baka sa pamamagitan
ng anumang paraan ang kamaharlikaan ninyong ito ay maging isang katitisuran sa
kanilang mahihina.
10 Pagkat kung ikaw na nagtataglay ng
kaalaman ay makita ng sinumang tao na umupo
sa kainan sa templo ng diyusdiyosan, hindi ba ang budhi niya na siyang mahina
ay mapapatapang upang kumain ng mga bagay na iyon na inihahandog sa mga
diyusdiyosan;
11 At sa pamamagitan ng kaalaman mo ay
mawawasak ang mahinang kapatid, na dahil sa kanya ay namatay si Kristo?
12 Ngunit kapag nagkakasala kayo nang gayon
laban sa mga kapatid, at sinusugatan ang mahihina nilang budhi, ay nagkakasala
kayo laban kay Kristo.
13 Kaya nga, kung ang pagkain ang
makakapagpatisod sa kapatid ko, hindi ako kakain ng laman habang nakatayo ang sanlibutan,
upang hindi ako makatisod sa kapatid ko.
No comments:
Post a Comment