KUNG GAYON na mga inaaring-ganap ng
pananampalataya, tayo ay may kapayapaang kasama ng Diyos sa pamamagitan ng
ating Panginoong Jesus Kristo:
2 Na sa pamamagitan din naman niya tayo
ay may karapatang-pumasok sa pamamagitan ng pananampalataya patungo sa biyayang
ito na kung saan ay nakatayo tayo, at nagagalak sa pag-asa ng kaluwalhatian ng
Diyos.
3 At hindi lamang gayon, kundi
nagmamapuri din naman tayo sa mga kagipitan: na nalalamang ang kagipitan ay
nagsasagawa ng pagtitiyaga;
4 At ang pagtitiyaga, ng karanasan;
at ang karanasan, ng pag-asa:
5 At ang pag-asa ay hindi nanghihiya;
dahil ang pagmamahal ng Diyos ay ibinubuhos sa mga puso natin sa pamamagitan ng
Banal na Diwa na ibinibigay sa atin.
6 Pagkat noong mga wala pa tayong lakas,
sa takdang panahon si Kristo ay namatay dahil sa mga di-makadiyos.
7 Pagkat bihira na dahil sa isang
taong matuwid ay mamamatay ang isa: gayunman sakali dahil sa isang mabuting tao
ang ilan ay maaaring mangahas na mamatay.
8 Ngunit ipinapakita ng Diyos ang
pagmamahal niya tungo sa atin, nang, habang mga makasalanan pa tayo, si Kristo ay
namatay dahil sa atin.
9 Lalong higit nga, na ngayon ay
inaaring-ganap ng kanyang dugo, ay maliligtas tayo mula sa pagkapoot sa
pamamagitan niya.
10 Pagkat kung, noong mga kaaway pa
tayo, ay ipinagkasundo tayo sa Diyos sa pamamagitan ng kamatayan ng kanyang Anak,
lalong higit, samantalang ipinagkasundo na, ay maliligtas tayo sa pamamagitan
ng kanyang buhay.
11 At hindi lamang gayon, kundi
nagagalak din naman tayo sa Diyos sa pamamagitan ng ating Panginoong Jesus
Kristo, na sa pamamagitan niya ay tinanggap na natin ngayon ang pagbabayad-pinsala.
12 Kaya nga, kung paanong sa
pamamagitan ng iisang tao ang kasalanan ay pumasok sa sanlibutan, at ang
kamatayan ay sa pamamagitan ng kasalanan; at sa gayon ang kamatayan ay dumaan
sa lahat ng tao, pagkat doon ang lahat ay nagkasala:
13 (Pagkat ang kasalanan ay nasa sanlibutan
hanggang sa batas: ngunit ang kasalanan ay hindi ibinibilang kung walang batas.
14 Gayon pa man ang kamatayan ay
naghari mula kay Adam hanggang kay Moses, maging sa ibabaw nilang hindi
nagkasala alinsunod sa pagkakawangis ng paglabag ni Adam, na siyang kahawig
niya na paparating.
15 Ngunit hindi gaya ng pagsuway, ay
gayon din ang walang bayad na kaloob. Pagkat kung sa pamamagitan ng pagsuway ng
iisa ay marami ang namatay, lalong higit ang biyaya ng Diyos, at ang kaloob sa
pamamagitan ng biyaya, na ito ay sa pamamagitan ng iisang tao, si Jesus Kristo,
ay sumagana na sa marami.
16 At hindi gaya ng sa pamamagitan
ng iisang nagkasala, ay gayon ang kaloob: pagkat ang paghuhukom ay sa
pamamagitan ng iisa sa kahatulan, ngunit ang walang-bayad na kaloob ay sa
ikaaaring-ganap sa maraming pagsuway.
17 Pagkat kung sa pamamagitan ng pagsuway
ng iisang tao ang kamatayan ay naghari sa pamamagitan ng iisa; lalong higit
silang tumatanggap ng kasaganaan ng biyaya at ng kaloob ng katuwiran ay
maghahari sa buhay sa pamamagitan ng iisa, si Jesus Kristo.)
18 Kung gayon kung paanong sa
pamamagitan ng pagsuway ng iisa ay dumating ang paghuhukom sa lahat ng tao sa kahatulan; maging gayon din sa pamamagitan ng katuwiran
ng iisa ay dumating ang walang-bayad na kaloob sa lahat ng tao sa
ikaaaring-ganap ng buhay.
19 Pagkat kung paanong sa
pamamagitan ng di-pagtalima ng isang tao ang marami ay ginawang mga makasalanan,
sa gayon sa pamamagitan ng pagtalima ng iisa ang marami ay gagawing matuwid.
20 Bukod dito ay pumasok ang batas,
upang sumagana ang pagsuway. Ngunit kung saan sumagana ang kasalanan, ay lalong
higit na sumagana ang biyaya:
21 Upang kung paanong ang kasalanan
ay naghari sa ikamamatay, maging gayon din ang biyaya ay maghahari sa
pamamagitan ng katuwiran sa ikabubuhay na walang-hanggan sa pamamagitan ni Jesus
Kristo na Panginoon natin.
ANO nga ba ang
sasabihin natin? Magpapatuloy ba tayo sa kasalanan, nang sumagana ang biyaya?
2 Ipagbawal
nawa ng Diyos. Paano ba tayo, na mga patay na sa kasalanan, ay mabubuhay pa
nang matagal doon?
3 Hindi ba
ninyo nalalaman, na ang napakarami sa atin na nabinyagan patungo kay Jesus
Kristo ay nabinyagan patungo sa kamatayan niya?
4 Kung gayon ay
nakalibing tayong kasama niya sa pamamagitan ng binyag patungo sa kamatayan:
upang katulad ni Kristo na ibinangon mula sa mga patay sa pamamagitan ng
kaluwalhatian ng Ama, maging sa gayon tayo rin naman ay lumakad sa kabaguhan ng
buhay.
5 Pagkat kung
itinanim na tayo nang sama-sama sa wangis ng kamatayan niya, ay magiging sa
wangis din naman tayo ng pagkabuhay niyang muli:
6 Na nalalaman
ito, na ang lumang tao natin ay nakapako sa kurus na kasama niya, upang ang
katawan ng kasalanan ay mapuksa, upang simula ngayon ay hindi na tayo
maglingkod pa sa kasalanan.
7 Pagkat siya
na patay na ay pinalaya na mula sa kasalanan.
8 Ngayon kung namatay
na tayong kasama ni Kristo, ay nananalig tayong mabubuhay rin naman tayong
kasama niya:
9 Na nalalamang
si Kristo na binubuhay mula sa mga patay ay hindi na namamatay pa; ang
kamatayan ay wala nang pamamanginoon sa ibabaw niya.
10 Pagkat doon
sa ikinamatay niya, ay ikinamatay niya patungo sa kasalanan nang minsan: ngunit
doon sa ikinabubuhay niya, ay ikinabubuhay niya patungo sa Diyos.
11 Sa katulad na
paraan ay ituring ninyo ang sarili ninyo na mga patay na talaga patungo sa
kasalanan, ngunit mga buhay patungo sa Diyos sa pamamagitan ni Jesus Kristo na
Panginoon natin.
12 Huwag hayaan
kung gayon na maghari ang kasalanan sa may-kamatayan ninyong katawan, upang talimahin
ninyo ito sa mga pita nito.
13 Ni isuko
ninyo ang mga sangkap ninyo gaya ng mga kasangkapan ng kalikuan patungo sa
kasalanan: kundi isuko ang sarili ninyo patungo sa Diyos, gaya ng mga iyon na nabuhay
mula sa mga patay, at ang mga sangkap ninyo gaya ng mga kasangkapan ng
katuwiran patungo sa Diyos.
14 Pagkat ang
kasalanan ay hindi magkakaroon ng pamamanginoon sa ibabaw ninyo: pagkat wala kayo
sa ilalim ng batas, kundi nasa ilalim ng biyaya.
15 Ano nga ba?
magkakasala ba tayo, dahil wala tayo sa ilalim ng batas, kundi nasa ilalim ng
biyaya? Ipagbawal nawa ng Diyos.
16 Hindi ba
ninyo nalalaman, na kung kanino ninyo isinusuko ang inyong sarili na mga lingkod
upang talimahin, kayo ay mga lingkod niya kung kanino kayo tumatalima; maging
ng kasalanan sa ikamamatay, o ng pagtalima sa ikatutuwid?
17 Ngunit
pasalamat sa Diyos, na naging mga lingkod kayo ng kasalanan, ngunit tumalima
kayo mula sa puso doon sa anyo ng turong ibinigay sa inyo.
18 Samantalang pinapalaya
na nga mula sa kasalanan, ay naging mga lingkod kayo ng katuwiran.
19 Nagsasalita
ako alinsunod sa pamamaraan ng mga tao dahil sa karamdaman ng laman ninyo: pagkat
kung paanong isinuko na ninyo ang mga sangkap ninyo patungo sa karumihan at sa
kawalang-katarungan hanggang sa kawalang-katarungan; maging gayon ngayon ay
isuko ang mga sangkap ninyo na mga lingkod patungo sa katuwiran sa ikababanal.
20 Pagkat noong
mga lingkod pa kayo ng kasalanan, ay malaya kayo mula sa katuwiran.
21 Anong bunga
ba kayo mayroon noon sa mga bagay na iyon na ngayon ay ikinahihiya ninyo? pagkat
ang katapusan ng mga bagay na iyon ay kamatayan.
22 Ngunit
ngayon na pinapalaya na mula sa kasalanan, at naging mga lingkod patungo sa
Diyos, ay may bunga kayo sa ikababanal, at ang katapusan ay buhay na
panghabang-panahon.
23 Pagkat ang pasahod
ng kasalanan ay kamatayan; ngunit ang kaloob ng Diyos ay buhay na
walang-hanggan sa pamamagitan ni Jesus Kristo na Panginoon natin.
HINDI ba ninyo
nalalaman, mga kapatid, (pagkat nagsasalita ako sa kanilang nakakaalam ng
batas,) kung paanong ang batas ay may pamamanginoon sa ibabaw ng isang tao
habang nabubuhay siya?
2 Pagkat ang
babaeng may isang bana[1] ay natatalian
ng batas sa kanyang bana habang nabubuhay ito; ngunit kung patay na ang bana,
siya ay kalag na mula sa batas ng kanyang bana.
3 Sa gayon nga
kung, habang nabubuhay pa ang kanyang bana, na mag-asawa siya ng ibang lalaki,
ay tatawagin siyang isang babaeng-mapangalunya: ngunit kung patay na ang kanyang
bana, ay malaya na siya mula sa batas; anupa’t hindi siya isang babaeng-mapangalunya,
kahit na mag-asawa pa siya ng ibang lalaki.
4 Kaya nga, mga
kapatid ko, naging mga patay rin naman kayo sa batas sa pamamagitan ng katawan
ni Kristo; upang makapag-asawa kayo ng iba, maging sa kanya na ibinangon mula
sa mga patay, nang magbunga tayo ng bunga patungo sa Diyos.
5 Pagkat noong nasa
laman tayo, ang mga pasakit ng mga kasalanan, na ang mga ito ay sa pamamagitan
ng batas, ay gumawa sa mga sangkap natin upang magbunga ng bunga sa ikamamatay.
6 Ngunit ngayon
ay sinasagip tayo mula sa batas, na mga patay na doon sa nagtali sa atin; upang
maglingkod tayo sa kabaguhan ng espiritu, at hindi sa kalumaan ng titik.
7 Ano nga ba
ang sasabihin natin? Ang batas ba ay kasalanan? Ipagbawal nawa ng Diyos. Hindi,
hindi ko nalaman ang kasalanan, kundi sa pamamagitan ng batas: pagkat hindi ko
nalaman ang pita, malibang sinabi ng batas, Huwag kang mag-iimbot.
8 Ngunit ang
kasalanan, na kumukuha ng kadahilanan sa pamamagitan ng kautusan, ay nagsagawa
sa akin ng lahat ng pamamaraan ng pagnanasa. Pagkat kung walang batas ay patay
ang kasalanan.
9 Pagkat minsan
akong nabuhay na hiwalay sa batas: ngunit nang dumating ang kautusan, ay muling
binuhay ang kasalanan, at ako ay namatay.
10 At ang
kautusan, na siyang itinalaga sa ikabubuhay, ay natagpuan kong sa ikamamatay.
11 Pagkat ang
kasalanan, na kumukuha ng kadahilanan sa pamamagitan ng kautusan, ay luminlang
sa akin, at sa pamamagitan nito ay pumatay sa akin.
12 Kaya nga ang batas ay banal, at
ang kautusan ay banal, at makatarungan, at mabuti.
13 Iyon nga bang mabuti ang gumawa
ng kamatayan patungo sa akin? Ipagbawal nawa ng Diyos. Ngunit ang kasalanan,
upang ito ay maipakitang kasalanan, ay gumagawa ng kamatayan sa akin sa
pamamagitan ng kung alin ang mabuti; upang ang kasalanan sa pamamagitan ng
kautusan ay maging labis na makasalanan.
14 Pagkat
nalalaman natin na ang batas ay espirituwal: ngunit ako ay ayon-sa-laman, na
ipinagbili sa ilalim ng kasalanan.
15 Pagkat kung
ano ang ginagawa ko ay hindi ko pinapahintulutan: pagkat kung ano ang nais ko,
ay hindi ko iyon ginagawa; kundi kung ano ang kinamumuhian ko, iyon ang ginagawa
ko.
16 Kung
ginagawa ko nga ang hindi ko nais, ay sumasang-ayon ako sa batas na ito ay
mabuti.
17 Ngayon nga
ay hindi na ako ang gumagawa nito, kundi ang kasalanang nananahan sa akin.
18 Pagkat
nalalaman kong sa akin (iyon ay, sa laman ko,) ay walang mabuting bagay na
nananahan: pagkat ang mag-ibig ay narito sa akin; ngunit kung paano isasagawa ang
mabuti ay hindi ko matagpuan.
19 Pagkat ang
mabuti na nais ko ay hindi ko ginagawa: kundi ang masama na hindi ko nais, iyon
ang ginagawa ko.
20 Ngayon kung
ginagawa ko ang hindi ko nais, hindi na ako ang gumagawa nito, kundi ang
kasalanang nananahan sa akin.
21 Natatagpuan
ko nga ang isang batas, na, kapag nais kong gumawa ng mabuti, ang masama ay
narito sa akin.
22 Pagkat
nasisiyahan ako sa batas ng Diyos alinsunod sa panloob na tao:
23 Ngunit may
nakikita akong ibang batas sa mga sangkap ko, na nakikipagdigma laban sa batas
ng pag-iisip ko, at dinadala ako patungo sa pagkabihag sa batas ng kasalanang nasa
mga sangkap ko.
24 O kahabag-habag
na tao ako! sino ang sasagip sa akin mula sa katawan ng kamatayang ito?
25 Nagpapasalamat
ako sa Diyos sa pamamagitan ni Jesus Kristo na Panginoon natin. Sa gayon nga sa
pag-iisip ako mismo ay naglilingkod sa batas ng Diyos; ngunit sa laman ay sa
batas ng kasalanan.
KUNG GAYON
ngayon ay walang kahatulan sa kanilang nakay Kristo Jesus, na hindi lumalakad
alinsunod sa laman, kundi alinsunod sa Espiritu.
2 Pagkat ang
batas ng Espiritu ng buhay kay Kristo Jesus ang nagpalaya na sa akin mula sa batas
ng kasalanan at kamatayan.
3 Pagkat kung
ano ang hindi magawa ng batas, sa gayong ito ay mahina sa pamamagitan ng laman,
ang Diyos sa pagsusugo ng kanyang sariling Anak na nasa wangis ng makasalanang
laman, at dahil sa kasalanan, ay hinatulan ang kasalanang nasa laman:
4 Upang ang
katuwiran ng batas ay maganap sa atin, na hindi lumalakad alinsunod sa laman,
kundi alinsunod sa Espiritu.
5 Pagkat silang
alinsunod sa laman ay nag-iisip ng mga bagay ng laman; ngunit silang alinsunod
sa Espiritu ay ng mga bagay ng Espiritu.
6 Pagkat ang maging mapag-isip nang ayon-sa-laman
ay kamatayan; ngunit ang maging mapag-isip nang espirituwal ay buhay at
kapayapaan.
7 Dahil ang pag-iisip na
ayon-sa-laman ay pakikipag-away laban sa Diyos: kasi ito ay hindi nagpapailalim
sa batas ng Diyos, ni talagang maaari.
8 Sa gayon nga silang nasa laman ay
hindi maaaring makalugod sa Diyos.
9 Ngunit wala kayo
sa laman, kundi nasa Espiritu, kung sa gayon na ang Espiritu ng Diyos ay
nananahan sa inyo. Ngayon
kung walang taglay na Espiritu ni Kristo ang sinumang tao, ay hindi siya sa
kanya.
10 At kung si Kristo ay nasa inyo,
ang katawan ay patay dahil sa kasalanan; ngunit ang Espiritu ay buhay dahil sa
katuwiran.
11 Ngunit kung ang Espiritu niyang
nagbangon kay Jesus mula sa mga patay ay nananahan sa inyo, siyang nagbangon
kay Kristo mula sa mga patay ang bubuhay sa mga may-kamatayan ninyong katawan
sa pamamagitan ng kanyang Espiritung nananahan sa inyo.
12 Kung gayon, mga kapatid, tayo ay
mga may-utang, hindi sa laman, upang mabuhay alinsunod sa laman.
13 Pagkat kung nabubuhay kayo alinsunod
sa laman, ay mamamatay kayo: ngunit kung kayo sa pamamagitan ng Espiritu ay
pumapatay sa mga gawain ng katawan, ay mabubuhay kayo.
14 Pagkat ang maraming
pinapangunahan ng Espiritu ng Diyos, sila ang mga lalaking-anak ng Diyos.
15 Pagkat hindi ninyo tinanggap ang
espiritu ng pagkaalipin muli sa ikatatakot; kundi tinanggap ninyo ang Espiritu
ng pagkukupkop, na sa pamamagitan nito ay humihiyaw tayo ng, Abba, Ama.
16 Ang Espiritu mismo ay nakikisaksing
kasama ng espiritu natin, na tayo ay mga anak ng Diyos:
17 At kung mga anak, ay mga
tagapagmana nga; mga tagapagmana ng Diyos, at mga kalakip-na-tagapagmana ni
Kristo; kung sa gayon na tayo ay nakikipagtiis sa kanya, nang maluwalhati rin
naman tayong sama-sama.
18 Pagkat itinuturing kong ang mga
pagdurusa ng kasalukuyang panahong ito ay hindi karapat-dapat na ihambing sa
kaluwalhatiang mabubunyag sa atin.
19 Pagkat ang masikap na pag-asam ng
nilalang ay naghihintay sa paglalantad sa mga lalaking-anak ng Diyos.
20 Pagkat ang nilalang ay ipinailalim
sa kawalang-kabuluhan, hindi kusang-loob, kundi dahil sa kanyang nagpailalim ng
gayon din sa pag-asa,
21 Dahil ang mismong nilalang din
naman ay sasagipin mula sa pagkaalipin ng kabulukan patungo sa maluwalhatiang
kamaharlikaan [2] ng mga anak ng Diyos.
22 Pagkat nalalaman natin na ang
buong paglalang ay dumadaing at nagdaramdam sa pasakit nang sama-sama hanggang
ngayon.
23 At hindi lamang sila, kundi tayo mismo
rin naman, na may mga unang-bunga ng Espiritu, maging tayo mismo rin naman ay
dumadaing sa loob ng ating sarili, na naghihintay sa pagkukupkop, sa katunayan,
ang katubusan ng katawan natin.
24 Pagkat tayo ay ligtas sa
pamamagitan ng pag-asa: ngunit ang pag-asang nakikita ay hindi pag-asa: pagkat
kung nakikita ng isang tao, bakit pa niya ito aasahan?
25 Ngunit kung inaasahan natin ang hindi
natin nakikita, ay hinihintay nga natin ito nang may pagtitiyaga.
26 Sa katulad na paraan ang Espiritu
rin naman ay tumutulong sa mga karamdaman natin: pagkat hindi natin nalalaman
kung ano ang idadalangin natin gaya ng nararapat: ngunit ang Espiritu mismo ay
gumagawa ng pamamagitan dahil sa atin nang may mga pagdaing na hindi maaaring bigkasin.
27 At siya na sumasaliksik sa mga
puso ay nakakaalam kung ano ang pag-iisip ng Espiritu, dahil gumagawa siya ng
pamamagitan dahil sa mga banal ayon sa kalooban ng Diyos.
28 At nalalaman nating ang lahat ng
bagay ay gumagawa nang sama-sama ukol sa mabuti sa kanilang nagmamahal sa
Diyos, sa kanilang mga tinatawag ayon sa layunin niya.
29 Pagkat silang nakilala niya nang
una, ay itinadhana rin naman niya nang pauna upang matulad sa larawan ng
kanyang Anak, upang maging panganay siya sa gitna ng maraming kapatid.
30 Bukod dito silang itinadhana niya
nang pauna, sila rin naman ay tinawag niya: at silang tinawag niya, sila rin
naman ay inaring-ganap niya: at silang inaring-ganap niya, sila rin naman ay
niluwalhati niya.
31 Ano nga ba
ang sasabihin natin sa mga bagay na ito? Kung ang Diyos ay ukol sa atin, sino ang maaaring maging
laban sa atin?
32 Siya na hindi ipinagkait ang
sarili niyang Anak, kundi ibinigay siya dahil sa ating lahat, paanong hindi
niya ibibigay sa atin na kasama rin naman niya nang walang-bayad ang lahat ng bagay?
33 Sino ba ang maglalagay ng anumang
bagay sa ikapaparatang ng mga hinirang ng Diyos? Ang Diyos ang umaaring-ganap.
34 Sino ba siyang humahatol? Si
Kristo na namatay, oo bagkus, na nabuhay muli, na siya rin namang nasa kanang
kamay ng Diyos, na gumagawa rin naman ng pamamagitan dahil sa atin.
35 Sino ba ang
maghihiwalay sa atin mula sa pagmamahal ni Kristo? ang kagipitan ba, o ang kahapisan
ba, o ang pag-uusig ba, o ang taggutom ba, o ang kahubaran ba, o ang panganib
ba, o ang tabak ba?
36 Gaya ng nasusulat,
Alang-alang sa iyo ay pinapatay kami sa buong araw; ibinibilang kaming gaya ng
mga tupang nauukol sa katayan.
37 Hindi, sa
lahat ng bagay na ito ay higit pa tayo sa mga manlulupig sa pamamagitan niyang
nagmamahal sa atin.
38 Pagkat
naniniwala ako, na hindi ang kamatayan, ni ang buhay, ni ang mga anghel, ni ang
mga pamunuan, ni ang mga kapangyarihan, ni ang mga bagay na kasalukuyan, ni ang
mga bagay na darating,
39 Ni ang taas,
ni ang lalim, ni anumang ibang nilalang, ang makakayang maghiwalay sa atin mula
sa pagmamahal ng Diyos, na nakay Kristo Jesus na Panginoon natin.
No comments:
Post a Comment