HAYAANG ang bawa’t kaluluwa ay
magpailalim sa matataas na kapangyarihan. Pagkat walang kapangyarihan kundi ang
mula sa Diyos: ang mga kapangyarihang umiiral ay itinalaga ng Diyos.
2 Sinuman kung gayon ang lumalaban
sa kapangyarihan, ay lumalaban sa palatuntunan ng Diyos: at silang lumalaban ay
tatanggap sa kanilang sarili ng pagkasumpa.
3 Pagkat ang mga pinuno ay hindi
isang kilabot sa mabubuting gawa, kundi sa masasama. Hindi ka nga ba matatakot
sa kapangyarihan? gawin mo ang mabuti, at magkakaroon ka ng papuri mula doon rin:
4 Pagkat siya ang ministro ng Diyos
sa iyo patungkol sa ikabubuti. Ngunit kung ginagawa mo ang masama, ay matakot
ka; pagkat hindi niya dinadala ang tabak sa walang-kabuluhan: pagkat siya ang
ministro ng Diyos, isang tagapaghiganti upang maggawad ng pagkapoot sa kanya na
gumagawa ng masama.
5 Kaya nga dapat kayong magpailalim,
hindi lamang dahil sa pagkapoot, kundi alang-alang sa budhi rin naman.
6 Pagkat sa dahilang ito ay
nagbabayad rin naman kayo ng buwis: pagkat sila ay mga ministro ng Diyos, na nag-aasikaso
nang patuloy sa mismong bagay na ito.
7 Ibigay kung gayon sa lahat ang
karapatan nila: buwis sa kanya na dapat buwisan: pagtangkilik sa kanya na dapat
tangkilikin; pagkatakot sa kanya na dapat katakutan; karangalan sa kanya na
dapat parangalan.
8 Huwag magkautang sa kaninuman ng
anumang bagay, kundi ang magmahalan sa isa’t isa: pagkat siya na nagmamahal sa
iba ay nakaganap na sa batas.
9 Pagkat ito, Huwag kang mangangalunya,
Huwag kang papatay, Huwag kang magnanakaw, Huwag kang makikisaksi sa
kabulaanan, Huwag kang mag-iimbot; at kung may iba pang kautusan, ito ay
maikling napapaloob sa kasabihang ito, samakatuwid ay, Mamahalin mo ang kapuwa
mo gaya ng sarili mo.
10 Ang pagmamahal ay hindi gumagawa
ng masama sa kapuwa niya: kung gayon ang pagmamahal ang pagganap sa batas.
11 At iyon, na nalalaman ang
panahon, na ngayon ang pinakapanahon upang gumising buhat sa pagkakatulog: pagkat
ngayon ang kaligtasan natin ay mas malapit na kaysa noong nanalig tayo.
12 Ang gabi ay malalim na, ang araw
ay malapit na: kung gayon ay iwaksi natin ang mga gawa ng dilim, at isuot natin
ang baluti ng liwanag.
13 Lumakad tayo nang tapat, gaya ng
sa araw; huwag sa panggugulo at paglalasing, huwag sa kaluhuan at
pagkawalang-taros, huwag sa sigalutan at pagkainggit.
14 Kundi isuot ninyo ang Panginoong Jesus
Kristo, at huwag gumawa ng paglalaang nauukol sa laman, upang maganap ang mga pita
nito.
TANGGAPIN ninyo siyang mahina sa
pananampalataya, ngunit hindi patungo sa nag-aalinlangang mga pagtatalu-talo.
2 Pagkat ang isa ay nananalig na
maaari niyang kainin ang lahat ng bagay: ang iba, na siyang mahina, ay kumakain
ng mga gulay.
3 Huwag hayaang hamakin niya na
kumakain siya na hindi kumakain; at huwag hayaang hukuman niya na hindi
kumakain siya na kumakain: pagkat tinanggap na siya ng Diyos.
4 Sino ka ba na humuhukom sa lingkod
ng ibang tao? sa kanyang sariling amo siya ay tumatayo o bumabagsak. Oo, siya
ay maitataas: pagkat kaya ng Diyos na patayuin siya.
5 Ang isang tao ay nagpapahalaga sa
isang araw nang higit sa iba: ang iba naman ay nagpapahalaga sa bawa’t araw
nang magkagaya. Hayaang ang bawa’t tao ay lubusang maniwala sa sarili niyang pag-iisip.
6 Siya na nagtatangi sa araw, ay
itinatangi ito patungo sa Panginoon; at siya na hindi nagtatangi sa araw, ay hindi
ito itinatangi patungo sa Panginoon. Siya na kumakain, ay kumakain patungo sa
Panginoon, pagkat nagbibigay pasalamat siya sa Diyos; at siya na hindi
kumakain, patungo sa Panginoon ay hindi siya kumakain, at nagbibigay pasasalamat
sa Diyos.
7 Pagkat wala sa atin ang nabubuhay patungo
sa kanyang sarili, at walang taong namamatay patungo sa kanyang sarili.
8 Pagkat kung mabuhay man tayo, ay
nabubuhay tayo patungo sa Panginoon; at
kung mamatay man tayo, ay namamatay tayo patungo sa Panginoon: kung
mabuhay man tayo kung gayon, o mamatay, tayo ay sa Panginoon.
9 Pagkat patungo sa katapusang ito
si Kristo ay kapuwa namatay, at bumangon, at muling nabuhay, upang maging
Panginoon siya ng kapuwa mga patay at mga buhay.
10 Ngunit bakit mo ba hinuhukuman
ang kapatid mo? o bakit mo ba winawalang halaga ang kapatid mo? pagkat tayong
lahat ay tatayo sa harapan ng upuan ng hukuman ni Kristo.
11 Pagkat nasusulat, Habang
nabubuhay ako, sabi ng Panginoon, ang bawa’t tuhod ay luluhod sa akin, at ang
bawa’t dila ay magpahayag sa Diyos.
12 Sa gayon nga ang bawa’t isa sa
atin ay magbibigay sulit ng kanyang sarili sa Diyos.
13 Huwag na nating hukuman pa kung gayon
ang isa’t isa: kundi hukuman ito bagkus, na walang sinumang maglagay ng isang katitisuran
o isang kadahilanan ng ikakabagsak sa daan ng kapatid niya.
14 Nalalaman ko, at naniniwala ako
sa pamamagitan ng Panginoong Jesus, na walang anumang marumi sa sarili nito: ngunit
sa kanya na nagpapahalaga sa anumang bagay na marumi, sa kanya ito ay marumi.
15 Ngunit kung ang kapatid mo ay
mapighati ng pagkain mo, ngayon ay hindi ka lumalakad nang may pagmamahal.
Huwag siyang puksain sa pamamagitan ng pagkain mo, na dahil sa kanya ay namatay
si Kristo.
16 Huwag ngang hayaan na ang mabuti
mo ay mapagsalitaan ng masama:
17 Pagkat ang kaharian ng Diyos ay
hindi ang pagkain at ang inumin; kundi ang katuwiran, at ang kapayapaan, at ang
kagalakan sa Banal na Diwa.
18 Pagkat siya na naglilingkod kay
Kristo sa mga bagay na ito ay katanggap-tanggap sa Diyos, at subok ng mga tao.
19 Sundan natin kung gayon ang mga
bagay na gumagawang ukol sa kapayapaan, at ang mga bagay na kasama nito ay
mapagtibay ng isa ang iba.
20 Pagkat ang pagkain ay hindi
pumupuksa sa gawa ng Diyos. Ang lahat ng bagay talaga ay dalisay; ngunit masama
ito ukol sa taong iyon na kumakain nang may katitisuran.
21 Mabuti ito na huwag kumain ng laman,
ni uminom ng alak, ni ng anumang bagay na sa pamamagitan nito ay napapatid ang
kapatid mo, o natitisod, o napapahina.
22 Mayroon ka bang pananampalataya?
magkaroon nito sa iyong sarili sa harapan ng Diyos. Maligaya siya na hindi humahatol
sa kanyang sarili sa bagay na iyon na pinapahintulutan niya.
23 At siya na nag-aalinlangan ay nasusumpa
kung kumain siya, dahil hindi siya kumakain mula sa pananampalataya: pagkat ang
anumang hindi mula sa pananampalataya ay kasalanan.
TAYO nga na malalakas ay nararapat
na magdala ng mga karamdaman ng mahihina, at hindi upang bigyang-lugod ang
ating sarili.
2 Hayaang ang bawa’t isa sa atin ay
magbigay-lugod sa kapuwa niya ukol sa kabutihan niya sa ikatitibay.
3 Pagkat maging si Kristo ay hindi
nagbigay-lugod sa kanyang sarili; kundi, gaya ng nasusulat, Ang mga pagpula
nila na pumula sa iyo ay bumagsak sa akin.
4 Pagkat anumang mga bagay ang
isinulat noong unang-panahon ay isinulat patungkol sa ikatututo natin, upang
tayo sa pamamagitan ng pagtitiyaga at kaaliwan ng mga kasulatan ay magkaroon ng
pag-asa.
5 Ngayon ay ipagkaloob nawa ng Diyos
ng pagtitiyaga at kagiliwan na maging magkakatulad kayo sa pag-iisip tungo sa
isa’t isa ayon kay Kristo Jesus:
6 Upang kayo na may iisang pag-iisip
at iisang bibig ay lumuwalhati sa Diyos, samakatuwid ay ang Ama ng ating
Panginoong Jesus Kristo.
7 Kaya nga tanggapin ninyo ang isa’t
isa, kung paanong tinanggap rin naman tayo ni Kristo sa ikaluluwalhati ng
Diyos.
8 Ngayon ay sinasabi ko na si Jesus
Kristo ay naging isang ministro ng pagtutuli dahil sa katotohanan ng Diyos, upang
pagtibayin ang mga pangakong ginawa sa mga ama:
9 At upang maluwalhati ng mga Hentil
ang Diyos dahil sa kanyang awa; gaya ng nasusulat, Sa dahilang ito ay magpapahayag
ako sa iyo sa gitna ng mga Hentil, at aawit
sa pangalan mo.
10 At muli ay sinasabi niya,
Magalak, kayong mga Hentil, kasama ng bayan niya.
11 At muli, Purihin ang Panginoon, lahat
kayong mga Hentil; at papurihan siya, kayong buong bayan.
12 At muli, sinasabi ni Esayas,
Magkakaroon ng isang ugat ni Jesse, at siya na tatayo upang maghari sa ibabaw ng
mga Hentil; sa kanya ay magtitiwala ang mga Hentil.
13 Ngayon ay punuin nawa kayo ng
Diyos ng pag-asa ng buong kagalakan at kapayapaan sa pananalig, upang sumagana kayo
sa pag-asa, sa pamamagitan ng kapangyarihan ng Banal na Diwa.
14 At ako rin mismo ay naniniwala
tungkol sa inyo, mga kapatid, na kayo rin naman ay puno ng kabutihan, na pinuno
ng buong kaalaman, na kaya rin namang magpaalalahanan sa isa’t isa.
15 Gayon pa man, mga kapatid,
sumulat ako nang mas matapang sa inyo sa ilang bahagi, gaya ng pagpapaalala sa
inyo, dahil sa biyayang ibinibigay sa akin ng Diyos,
16 Upang maging ministro ako ni Jesus
Kristo sa mga Hentil, na ipinagmiministeryo ang mabuting-balita ng Diyos, upang
ang paghahandog ng mga Hentil ay maging katanggap-tanggap, na pinapabanal ng
Banal na Diwa.
17 Mayroon ako kung gayon ng
ipagmamapuri sa pamamagitan ni Jesus Kristo sa mga bagay na iyon na patungkol
sa Diyos.
18 Pagkat hindi ako mangangahas na
magsalita ng anuman tungkol sa mga bagay na iyon na hindi nagawa ni Kristo sa
pamamagitan ko, upang patalimahin ang mga Hentil, sa salita at gawain,
19 Sa pamamagitan ng
makapangyarihang mga tanda at mga kababalaghan, sa kapangyarihan ng Espiritu ng
Diyos; anupa’t mula sa Jerusalem, at sa palibot hanggang sa Ilirikum, ay
lubusan kong naipangaral ang mabuting-balita ni Kristo.
20 Oo, sa gayon ay nagpunyagi akong ipangaral
ang mabuting-balita, hindi kung saan si Kristo ay nasambit na, baka makapagtayo
ako sa ibabaw ng pinagsasaligan ng ibang tao:
21 Ngunit gaya ng nasusulat, Sa
kanilang hindi siya pinag-uusapan, ay makakakita sila: at silang hindi
nakarinig ay makakaunawa.
22 Sa dahilan nito rin naman ay
labis akong nahadlangan sa pagpariyan sa inyo.
23 Ngunit ngayon na wala nang dako
pa sa mga bahaging ito, at nagtataglay ng isang malaking paghahangad sa
maraming taong ito na pumariyan sa inyo;
24 Kung kailan man ako ay magpatuloy ng paglalakbay ko patungong
Espanya, ay papariyan ako sa inyo: pagkat nagtitiwala akong makita kayo sa
paglalakbay ko, at madala sa daan ko patungo roon sa pamamagitan ninyo, kung
ako muna ay mapuno ng kaunti ng inyong pagsama.
25 Ngunit ngayon ay paparoon na ako
sa Jerusalem upang magministeryo sa mga banal.
26 Pagkat nakalugod sa kanilang mula
sa Masedonya at Akaya na gumawa ng isang tiyak na ambagan patungkol sa mga
dukhang banal na nasa Jerusalem.
27 Nakalugod ito sa kanila sa
katotohanan; at sila ang mga may-utang sa kanila. Pagkat kung ang mga Hentil ay
ginawang mga kabahagi ng mga espirituwal nilang bagay, ang tungkulin din naman
nila ay magministeryo sa kanila sa mga bagay na ayon-sa-laman.
28 Kapag naisagawa ko na ito kung
gayon, at natatakan na patungo sa kanila ang bungang ito, ay daraan ako sa inyo
patungong Espanya.
29 At nakatitiyak ako na, kapag
pumariyan ako sa inyo, ay papariyan ako sa kalubusan ng pagpapala ng
mabuting-balita ni Kristo.
30 Ngayon ay namamanhik ako sa inyo,
mga kapatid, alang-alang sa Panginoong Jesus Kristo, at dahil sa pagmamahal ng
Espiritu, na sama-sama kayong magpunyagi kasama ko sa mga panalangin ninyo sa
Diyos patungkol sa akin;
31 Upang masagip ako mula sa
kanilang hindi nananalig na nasa Judea; at upang ang paglilingkod ko na taglay
ko patungkol sa Jerusalem ay matanggap ng mga banal;
32 Upang makapariyan ako sa inyo nang
may kagalakan sa pamamagitan ng kalooban ng Diyos, at kasama ninyong mapaginhawa.
33 Ngayon ang Diyos ng kapayapaan nawa
ay makasama ninyong lahat. Amen.
INIHAHABILIN ko
sa inyo si Febe na babaeng-kapatid natin, na ito ay isang lingkod ng simbahang
nasa Sengkrea:
2 Na tanggapin
ninyo siya sa Panginoon, na nababagay sa mga banal, at tulungan ninyo siya sa
anumang kaabalahang kinakailangan niya
sa inyo: pagkat siya ay naging isang tagasaklolo sa marami, at ng sarili ko rin
naman.
3 Batiin sina Prisila
at Akila na mga tagatulong ko kay Kristo Jesus:
4 Na dahil sa
buhay ko ay itinaya nila ang sarili nilang mga leeg: na sa kanila ay hindi
lamang ako ang nagbibigay pasalamat, kundi maging ang lahat ng simbahan ng mga
Hentil.
5 Sa katulad na
paraan ay batiin ang simbahang nasa bahay nila. Pugayan ang pinakamamahal kong si
Epenetus, na siya ang mga unang-bunga ng Akaya patungo kay Kristo.
6 Batiin si
Maria, na nagkaloob ng labis na pagpapagal dahil sa amin.
7 Pugayan sina
Andronikus at Junia, na mga kamag-anak ko, at mga kasamang-bilanggo ko, na mga
kilala sa gitna ng mga apostol, na mga nakay Kristo na bago pa ako.
8 Pugayan si
Amplias na minamahal ko sa Panginoon.
9 Pugayan si
Urbano, na tagatulong namin kay Kristo, at si Estakis na minamahal ko.
10 Pugayan si Apeles
na subok kay Kristo. Pugayan silang nasa
sambahayan ni Aristobulus.
11 Pugayan si
Herodion na kamag-anak ko. Batiin silang nasa sambahayan ni Narsisus, na ang
mga ito ay nasa Panginoon.
12 Pugayan si
Trifena at si Trifosa, na nagpapagal sa Panginoon. Pugayan ang minamahal na si
Persis, na nagpagal nang labis sa Panginoon.
13 Pugayan si Rufus na hinirang sa
Panginoon, at ang ina niya at akin.
14 Pugayan sina
Asingkritus, Flegon, Hermas, Patrobas, Hermes, at ang mga kapatid na kasama
nila.
15 Pugayan si
Filologus, at si Julia, si Nereus, at ang babaeng-kapatid niya, at si Olimpas,
at ang lahat ng banal na kasama nila.
16 Pugayan ang
bawa’t isa ng isang banal na halik. Ang mga simbahan ni Kristo ay nagpupugay sa
inyo.
17 Ngayon ay
namamanhik ako sa inyo, mga kapatid, tandaan silang nagdudulot ng
pagkakahati-hati at mga katitisuran na salungat sa turo na natutuhan na ninyo;
at iwasan sila.
18 Pagkat ang
mga ganoon ay hindi naglilingkod sa ating Panginoong Jesus Kristo, kundi sa sarili
nilang tiyan; at sa pamamagitan ng mabubuting salita at magagandang pananalita
ay nililinlang ang mga puso ng mga payak.
19 Pagkat ang pagtalima ninyo ay naging
bantog sa lahat ng tao. Natutuwa ako kung gayon sa inyong kapakanan: ngunit gayunman
ay nais ko na maging marunong kayo patungo doon sa mabuti, at payak tungkol sa
masama.
20 At dudurugin ng Diyos ng
kapayapaan ang Satanas sa ilalim ng mga paa ninyo sa madaling panahon. Ang
biyaya ng ating Panginoong Jesus Kristo nawa ay makasama ninyo. Amen.
21 Si Timoteus na kasama ko sa
gawain, at si Lusius, at si Jason, at si Sosipater, na mga kamag-anak ko, ay
nagpupugay sa inyo.
22 Akong si Tertius, na sumulat ng
sulat na ito, ay nagpupugay sa inyo sa Panginoon.
23 Si Gayus na tinutuluyan ko, at ng
buong simbahan, ay nagpupugay sa inyo. Si Erastus na
tagapamahala ng lunsod ay nagpupugay sa inyo, at si Kuartus na isang kapatid.
24 Ang biyaya ng ating Panginoong Jesus
Kristo nawa ay makasama ninyong lahat. Amen.
25 Ngayon sa kanya na may
kapangyarihang magpatatag sa inyo ayon sa mabuting-balita ko, at sa pangangaral
ni Jesus Kristo, ayon sa pagbubunyag ng hiwaga, na ito ay iningatang lihim simula
pa nang nagsimula ang sanlibutan,
26 Ngunit ngayon ay inilantad, at sa
pamamagitan ng mga kasulatan ng mga propeta, ayon sa kautusan ng Diyos na
panghabang-panahon, na ipinaalam sa lahat ng bansa patungkol sa pagtalima ng
pananampalataya:
27 Sa kaisa-isang marunong na Diyos,
ay ang kaluwalhatian sa pamamagitan ni Jesus Kristo magpakailan man. Amen.
No comments:
Post a Comment