NGAYON ang Espiritu ay nagsasalita nang
hayagan, na sa dakong-huling mga panahon ang ilan ay aalis mula sa
pananampalataya, na magbibigay ng pakinig sa mga mapang-akit na espiritu, at
mga turo ng mga diyablo;
2 Na nagsasalita ng mga kasinungalingan sa pagpapaimbabaw;
na pinapaso ang budhi nila ng isang mainit na bakal;
3 Na ipinagbabawal ang pag-aasawa, at nag-uutos
na umiwas sa mga pagkain, na nilalang ng Diyos upang tanggaping may
pagpapasalamat nilang nananalig at nakakaalam ng katotohanan.
4 Pagkat ang bawa’t nilalang ng Diyos ay
mabuti, at walang dapat tanggihan, kung tinatanggap itong may pagpapasalamat:
5 Pagkat pinababanal ito ng salita ng Diyos at
panalangin.
6 Kung mailagay mo ang mga kapatid sa
pag-alaala sa mga bagay na ito, ikaw ay magiging isang mabuting ministro ni Jesus
Kristo, na naalagaan sa mga salita ng pananampalataya at ng mabuting turo, na
doon ay natamo mo na.
7 Ngunit tanggihan mo ang lapastangan at mga katha
ng matatandang asawa, at sanayin ang sarili mo bagkus sa pagkamakadiyos.
8 Pagkat sa pagsasanay na pangkatawan ay may
kaunting mapapakinabangan: ngunit ang pagkamakadiyos ay kapaki-pakinabang sa
lahat ng bagay, na mayroong pangako ng buhay sa ngayon, at ng sa darating.
9 Ito ay isang matapat na kasabihan at
karapat-dapat sa buong pagtanggap.
10 Pagkat kung gayon tayo ay kapuwa nagpapagal
at nagtitiis ng pagpula, dahil tayo ay nagtitiwala sa buhay na Diyos, na siyang
Tagapagligtas ng lahat ng tao, lalo na nilang nananalig.
11 Ang mga bagay na ito ay iutos at ituro.
12 Huwag hayaan ang sinuman na humamak sa kabataan
mo; kundi maging isang halimbawa ka ng mga nananalig, sa salita, sa pamumuhay,
sa pagsinta, sa espiritu, sa pananampalataya, sa kadalisayan.
13 Hanggang sa dumating
ako, magbigay pansin sa pagbabasa, sa pagtatagubilin, sa turo.
14 Huwag pabayaan ang kaloob
na nasa iyo, na ito ay ibinigay sa iyo sa pamamagitan ng hula, na may
pagpapatong ng mga kamay ng presbiteryo.
15 Pagbulay-bulayan ang
mga bagay na ito; ibigay ang sarili mo nang lubos sa kanila; upang ang
pakikinabang mo ay makita ng lahat.
16 Mag-ingat sa iyong
sarili, at sa turo; magpatuloy sa kanila: pagkat sa paggawa mo nito ay kapuwa
mo maililigtas ang iyong sarili, at sila na nakikinig sa iyo.
HUWAG sawayin ang isang
matanda, kundi magsumamo sa kanyang gaya sa isang ama; at ang mga nakababatang
lalaki gaya ng mga lalaking-kapatid;
2 Ang matatandang babae
gaya ng mga ina; at ang mga nakababata gaya ng mga babaeng-kapatid, na may
buong kadalisayan.
3 Parangalan ang mga
babaeng-balo na mga balo talaga.
4 Ngunit kung ang sinumang
babaeng-balo ay may mga anak o mga lalaking-pamangkin, hayaan silang matuto
munang magpakita ng paggalang sa tahanan, at gantihan ang mga magulang nila: pagkat
iyon ay mabuti at katanggap-tanggap sa harapan ng Diyos.
5 Ngayon siya na isa
talagang babaeng-balo, at napabayaan, ay nagtitiwala sa Diyos, at nagpapatuloy
sa mga paghiling at mga panalangin gabi at araw.
6 Ngunit siya na
nabubuhay sa kalayawan ay patay habang nabubuhay siya.
7 At ang mga bagay na ito
ay ibigay sa atas, nang sila ay maging walang-kapintasan.
8 Ngunit kung ang sinuman
ay hindi naglalaan ukol sa mga sariling kanya, at lalo na sa kanilang mula sa
sarili niyang bahay, ay tinanggihan niya ang pananampalataya, at mas masahol pa
kaysa sa isang di-mananampalataya.
9 Huwag hayaang maisama
sa bilang ang isang babaeng-balo na wala pang tatlong dalawampung taong gulang,
kundi ang naging asawa ng iisang lalaki,
10 Mainam na
pinatotohanan tungkol sa mabubuting gawa; kung nagpalaki siya ng mga anak, kung
nagpatuloy siya ng mga dayuhan, kung naghugas siya ng mga paa ng mga banal,
kung tumulong siya sa mga nahihirapan, kung sumunod siya nang masikap sa bawa’t
mabuting gawa.
11 Ngunit tanggihan ang
mga nakababatang babaeng-balo: pagkat kapag nagsimula silang maging malayaw
laban kay Kristo, sila ay mag-aasawa;
12 Na nagkakaroon ng pagkasumpa,
dahil itinakuwil nila ang una nilang pananampalataya.
13 At bukod dito ay
natututo silang maging mga tamad, na nagpapalipat-lipat sa bahay-bahay; at hindi
lang mga tamad, kundi madadaldal rin naman at mga mapakialampampaalsa, na
nagsasalita ng mga bagay na di nararapat nilang salitain.
14 Ibig ko nga kung gayon
na ang mga nakababatang babaeng-balo ay mag-asawa, magkaanak, gabayan ang
bahay, huwag magbigay ng kadahilanan sa katunggali na magsalita nang may pagpula.
15 Pagkat ang ilan ay bumaling na sa hulihan ng
Satanas.
16 Kung ang sinumang lalaki o babae na nananalig
ay may mga babaeng-balo, hayaan ang mga ito na
tumulong sa kanila, at huwag hayaang ang simbahan ang magbayad; nang matulungan
naman nito ang talagang mga babaeng-balo.
17 Hayaang ang matatanda na namumunong mabuti
ay maibilang na karapat-dapat sa ibayong karangalan, lalo na silang nagpapagal sa
salita at turo.
18 Pagkat sinasabi ng kasulatan, Huwag mong
bubusalan ang baka na gumigiik ng mais. At, Ang nagpapagal ay karapat-dapat sa
gantimpala niya.
19 Laban sa isang matanda ay huwag kang
tumanggap ng paratang, kundi sa harap ng dalawa o tatlong saksi.
20 Silang nagkakasala ay sawayin sa harapan ng
lahat, upang ang mga iba rin naman ay matakot.
21 Inaatasan kita sa harapan ng Diyos, at ng
Panginoong Jesus Kristo, at ng mga hinirang na anghel, na tuparin mo ang mga
bagay na ito na walang kinikilingang sinuman nang higit sa iba, na walang
ginagawang anuman sa pamamagitan ng pagpanig.
22 Huwag kaagad magpatong ng mga kamay sa sinumang
tao, ni maging kabahagi ng mga kasalanan ng ibang mga tao: pakaingatang dalisay
ang iyong sarili.
23 Huwag nang uminom ng tubig, kundi gumamit
ng kaunting alak alang-alang sa sikmura mo at sa malimit mong mga karamdaman.
24 Ang mga kasalanan ng ilang tao ay hayag sa
mula’t mula pa, na nauuna sa paghuhukom; at sinusundan ng ilang mga tao.
25 Sa katulad na paraan din naman ang
mabubuting gawa ng ilan ay lantad sa mula’t mula pa; at silang hindi ganoon ay hindi
maaaring maitago.
HAYAANG ang maraming lingkod na nasa ilalim ng
pamatok ay ibilang ang mga amo nila na karapat-dapat sa buong karangalan, upang
ang pangalan ng Diyos at ang kanyang turo ay hindi malapastangan.
2 At silang may mga among sumasampalataya, ay
huwag silang hayaang hamakin ang mga ito, dahil sila ay magkakapatid; kundi
bagkus gawan sila ng paglilingkod, dahil sila ay matatapat at mga minamahal,
mga kabahagi ng pakinabang. Ituro at itagubilin ang mga bagay na ito.
3 Kung ang sinumang tao ay magturo ng taliwas,
at hindi sumang-ayon sa mga nakabubuting salita, samakatuwid ay sa mga salita
ng ating Panginoong Jesus Kristo, at sa turo na ayon sa pagkamakadiyos;
4 Siya ay mapagmalaki, walang nalalamang
anuman, kundi haling na haling sa mga katanungan at mga sigalutan ng mga
salita, na mula doon ay dumarating ang inggit, sigalutan, mga pag-alipusta,
masasamang akala,
5 Mga tampalasang pangangatuwiranan ng mga
taong may mga bulok na pag-iisip, at salat sa katotohanan, na nagpapalagay na
ang kapakinabangan ay pagkamakadiyos: mula sa mga iyon ay ilayo ang sarili mo.
6 Ngunit ang pagkamakadiyos na may kasiyahan
ay dakilang kapakinabangan.
7 Pagkat wala tayong dinalang anuman patungo sa
sanlibutang ito, at tiyak ito na wala tayong madadalang palabas.
8 At sa pagkakaroon ng makakain at pananamit
ay masiyahan na tayo sa mga ito.
9 Ngunit silang mga umiibig yumaman ay
nahuhulog sa tukso at sa isang bitag, at sa maraming mga hangal at
nakakapinsalang pita, na na ang mga ito ay naglulunod sa mga tao sa pagkapuksa
at pagkawasak.
10 Pagkat ang pagmamahal sa salapi ang ugat ng
buong kasamaan: na habang pinag-imbutan ng ilan, sila ay naligaw mula sa
pananampalataya, at tinuhog ang kanilang sarili ng maraming kalumbayan.
11 Ngunit ikaw, O tao ng Diyos, takasan ang
mga bagay na ito; at sundan ang katuwiran, ang pagkamakadiyos, ang pananampalataya,
ang pagmamahal, ang pagtitiyaga, ang kaamuan.
12 Ipaglaban ang mabuting pakikipaglaban ng
pananampalataya, manangan sa buhay na walang-hanggan, na patungo roon ay
tinawag ka rin naman, at nagpahayag ng isang mabuting pahayag sa harapan ng
maraming saksi.
13 Binibigyan kita ng atas sa paningin ng
Diyos, na bumubuhay sa lahat ng bagay, at sa harapan ni Kristo Jesus, na sa
harapan ni Ponsio Pilato ay sumaksi ng isang mabuting pagpapahayag;
14 Na ingatan mo ang kautusang ito na walang
batik, na di-mapipintasan, hanggang sa pagpapakita ng ating Panginoong Jesus
Kristo:
15 Na siya sa mga panahon niya ay ipapakita
niya, na siyang mapalad at kaisa-isang Makapangyarihan, ang Hari ng mga hari,
at Panginoon ng mga panginoon;
16 Na siya lamang ang may kawalang-kamatayan,
na nananahan sa liwanag na walang taong makakalapit; siyang walang taong
nakakita, o maaaring makakita: na sa kanya ang karangalan at kapangyarihang
panghabang-panahon. Amen.
17 Atasan silang mayayaman sa sanlibutang ito,
na huwag silang magmataas sa pag-iisip, ni magtiwala sa mga kayamanang
walang-katiyakan, kundi sa buhay na Diyos, na siyang nagbibigay sa atin nang
mayaman ng lahat ng bagay upang tamasahin;
18 Na gumawa sila ng mabuti, na maging mayaman
sila sa mabubuting gawa, na nakahandang mamigay, na maibigin sa pagbabahagi;
19 Na nag-iimpok sa imbakan patungkol sa
kanilang sarili ng isang mabuting kinasasaligan ukol sa panahong darating, nang
manangan sila sa buhay na walang-hanggan.
20 O Timoteo, ingatan ang ipinagkakatiwala sa
pag-iingat mo, na iniiwasan ang lapastangan at walang-kabuluhang mga usapan, at
mga pagsalungat ng agham na tinatawag nang huwad:
21 Na sa pagpahayag ng
ilan ay naligaw tungkol sa pananampalataya. Ang biyaya nawa ay makasama mo.
Amen.
Ang unang sulat kay Timoteo ay isinulat ni Paulo mula sa Masedonya, noong A.D. 64
No comments:
Post a Comment